 III |
V  |
Nimbosa versans usque volumina
Scintillet ut fons, aspice, dum salit,
Phoebique inardescant sagittis
Innumerae laticis favillae.
Sublime fertur concita vena aquae,
Sed fine tacto non violabili,
Addicta telluri fluenta
Pulvere deciduo coruscant.
Mortalium o fons cordibus emicans,
Fons o perennis mentis et ingeni,
Legemne mirandam secutus
Tu trepidas raperisque sursum?
Nisu requiras caelum avido licet,
Occulta fati praevalidi manus,
Truncans tenorem tam ferocem,
Sternit humi pluvias ruinas.
<Фонтан>