Wikisource

Dialogues of Roman Life/Emptōrum Illecebrae

< Dialogues of Roman Life
There are no reviewed versions of this page, so it may not have been checked for adherence to standards.
Samuel Edward Winbolt
Dialogues of Roman Life
IV. Emptōrum Illecebrae
1913

editio: G. Bell & Sons
fons: librum vide
 III. Lūsiōnes V. Pater Anxius 
IV. EMPTŌRUM ILLECEBRAE
Romae.
Antōnius, puer: Paetus, puer.

Antōnius. Ā quo ēmisti istam chartam?

Paetus. Ā Fabio.

A. Estne bona?

P. Melior quam ista tua, ut opīnor.

A. Nōn mīror.

P. Cūr dīcis istud?

A. Quia fortasse est cārior.

P. Nescio.

A. Quanti ēmisti scapum?[1]

P. Dēnārio et sēmisse.—Quanti tū ēmisti?

A. Dēnārio et plūris.

P. Quanti igitur?

A. Quinque quadrantibus.[2]

P. Profecto non ēmisti male.

A Denarius
A Denarius
A Denarius.

A. Quīn etiam mercātor mihi dedit auctārium?[3]

P. Quodnam, quaeso?

A. Schedam bibulae chartae.[4]

P. Ō mē imprūdentem, qui oblītus sim petere!

A. Ego nē petīvi quidem, sed ille dedit mihi ultro: ‘hoc’, inquit, ‘addo tibi ut revīsās mē.’

P. Sīc solent allicere emptōres.

A. Nec mīrum: quisque suum quaerit commodum.

P. Sed quid agimus, hodierni pensi immemores?

A. Est exiguum: satis temporis restat nōbīs.

 III. Lūsiōnes V. Pater Anxius 
——————
Notae
  1. ↑ scapum; Nom. scapus, ‘a sheet of paper.’
  2. ↑ quadrantibus: a quadrans was the fourth of an as.
  3. ↑ auctarium, ‘something in addition.’
  4. ↑ schedam (or scidam) bibulae chartae, ‘a sheet of blotting-paper’.
Receptum de "https://la.wikisource.org/wiki/Dialogues_of_Roman_Life/Emptōrum_Illecebrae"