 Colloquium VI |
Colloquium VIII  |
Personae:
Clericus, Magister.
C.
Licetne, Magister, ut ego et patruelis eamus domum?
M.
Quid eo?
C.
Ad nuptias consobrinae.
M.
Quando est nuptura?
C.
Crastino die.
M.
Cur tam cito vultis ire?
C.
Ut mutemus vestimenta.
M.
Per me licet eatis: hac tamen lege, ut cras huc redeatis cubitum.
C.
Quid si volet patruus ut expectemus nepotia?
M.
non detinebit vos, satis scio, dummodo dicatis ei qua lege dimiserim.
C.
Verum fatebimur.
M.
Abite, et ab omni cavete intemperantia; faciteque ‘ut luceat lux vestra coram hominibus, ut glorificetur, vester ille coelestis Pater’.
C.
Ita quidem speramus fore, ipso nos in omnibus adiuvante.