 Colloquium XXVI |
Colloquium XXVIII  |
Personae:
Franciscus, Ludimagister.
F.
Praeceptor, licetne nobis prodire?
L.
Estisne multi qui prodire vultis?
F.
Ferme omnes.
L.
Quid hoc sibi vult?
F.
Est hodie mercatus; inde fit, ut fere sibi quisque velit aliquid emere.
L.
Nunc ego sum occupatior, quam ut singulorum prodeundi causam possim cognoscere; adite igitur subdoctorem, qui cognoscat; et si vacat, vos deducat ipse.
F.
Gratias agimus, praeceptor humanissime.