 Colloquium XXXVIII |
Colloquium XL  |
Personae:
Rublius, Lepusculus.
R.
Quid fecisti de regula mea?
L.
Reliqui in pergula superiore.
R.
Cur eam reliquisti?
L.
Oblitus sum.
R.
Non recte factum; sed tu sic fere soles, si quid tibi fuerit commodatum.
L.
Piget me negligentiae meae.
R.
Non satis est dolere, nisi mores mutare velis.
L.
Deum precabor, ut mihi mutare velit.
R.
Si sapis; alioqui nemo tibi posthac commodare volet.
L.
Habeo gratiam, quod me tam amice monueris.
R.
I nunc petitum meam regulam; est enim ea mihi opus ad ducendas in charta lineas.
L.
Nunc eo.
R.
Refer ad me in cubiculum.
L.
Mox habebis.