 Colloquium LVII |
Colloquium LIX  |
Personae:
Primus puer, Pueri, Praeceptor, Secundus puer, Tertius puer.
Pueri.
Salve, praeceptor.
Prae.
Sit vobis salus a Christo.
Pueri.
Amen.
Prae.
Iamne repetivistis?
Pri.
Etiam, praeceptor.
Prae.
Quis docuit vos?
Pri.
Subdoctor.
Prae.
Quid nunc vultis?
Sec.
Ut per te liceat nobis parumper ludere.
Prae.
Non est ludendi tempus.
Ter.
Non petimus omnibus, sed nobis parvulis tantum.
Prae.
Atqui pluit, ut videtis.
Sec.
Ludemus in pergula.
Prae.
Quo lusu?
Sec.
Aciculis, vel iuglandibus.
Prae.
Quid mihi dabitis?
Pri.
Dicemus nomina.
Prae.
Quot dicetis singuli?
Sec.
Duo.
Prae.
Dicite igitur.
Pri.
Paper, Charta; Ink, Atramentum. Dixi.
Sec.
A Book, Liber; A Little book, Libellus. Dixi.
Ter.
A Cherry, Cerasum; Walnuts, Iuglandes. Diximus.
Prae.
Quam belli estis homunculi? Ludite ad coenam usque.
Pueri.
Gratias agimus, praeceptor.