Migne Patrologia Latina Tomus 85
Pars prima.
1 DOMINICA PRIMA ADVENTUS DOMINI.
(0109A)
Ad Missam Officium.
Ecce super montes pedes evangelizantis pacem alleluja. Et annunciantis bona alleluja: celebra Juda festivitates tuas alleluja. Et redde Domino vota tua alleluja. V\. Dominus dabit verbum evangelizantibus in virtute multa. P. Et redde. V\. Gloria et honor Patri et Filio et Spiritui Sancto in secula seculorum amen. P. Et redde.
Dicat Presb. Per omnia semper secula seculorum. R\. Amen.
In adventu Domini non dicimus: Gloria in excelsis Dominicis diebus et feriis: sed tantum diebus festivis.
Oratio. Deus qui per angelicos choros adventum filii tui Domini nostri Jesu Christi annunciare voluisti: (0109B)qui per Angelorum preconia gloria in excelsis Deo et in terra pax hominibus bone voluntatis adclamantibus demonstrasti: concede ut in hujus Dominice Resurrectionis Festivitate: pax terris reddita convalescat: et fraterne delectionis charitate innovata permaneat. R\. Amen.
Dicat Sacerdos. Per misericordiam tuam Deus noster qui es benedictus: et vivis et omnia regis in secula seculorum. R\. Amen. V\. Dominus sit semper vobiscum. R\. Et cum spiritu tuo.
Lectio libri Esaye prophete ( Cap. X, XI).
R\. Deo gratias.
Ecce dominator Dominus exercituum confringet lagunculam in terrore: et excelsi statura succindentur: et sublimes humiliabuntur: et subvertentur (0109C)condensa saltus ejus ferro: et Libanus cum excelsis cadet. Et egredietur virga de radice Jesse: et flos de radice ejus ascendet: et requiescet super eum spiritus Domini: spiritus sapientie et intellectus: spiritus (0110A)consilii et fortitudinis: spiritus scientie et pietatis: et replebit eum spiritus timoris Domini. Non secundum visionem oculorum judicabit: neque secundum auditum aurium arguet: sed judicabit in justicia pauperes: et arguet in equitate pro mansuetis terre. Et percuciet terram virga oris sui: et spiritu labiorum suorum interficiet impium. Et erit justicia cingulum lumborum ejus: et fides cinctorium renum ejus. Habitabit lupus cum agno: et pardus cum hedo accubabit. Vitulos et leo et ovis simul morabuntur: et puer parvulus minabit eos. Vitulus et ursus pascentur: simul requiescent catuli eorum: et leo quasi bos comedet paleas. Et delectabitur infans ab ubere super foramina aspidis: et in caverna reguli: qui ablactatus fuerit: manum suam mittet. Non nocebunt (0110B)et non occident in universo monte sancto meo: quia repleta est terra scientia Domini: sicut aque maris operientis. In die illa radix Jesse qui stat in signum populorum: ipsum gentes deprecabuntur: et erit sepulchrum ejus gloriosum. R\. Amen.
Dicat Presb. in cornu sinistrum Altaris. Dominus sit semper vobiscum. R\. Et cum.
Psallendo. Qui dat nivem sicut lanam: nebulam velut cinerem spargit: qui emittit christallum suam sicut frusta panis. Ante faciem frigoris ejus qui subsistet? V\. Mittit verbum suum et liquefaciet ea: flat spiritus ejus et fluent aque. P. Ante. Dicat Sacerdos. Silentium facite.
Sequentia Epistole Pauli Apostoli ad Romanos (Cap. XV).
(0110C)Respon. Chorus. Deo gratias.
Fratres: Certus sum ego ipse de vobis: quoniam et ipsi pleni estis dilectione: repleti omni scientia: ita ut possitis alterutrum monere. Audatius autem (0111A)scripsi vobis fratres ex parte: tanquam in memoriam vos reducens: propter gratiam que data est mihi a Deo: ut sim Minister Christi Jesu in gentibus: sanctificans Evangelium Dei: ut fiat oblatio gentium accepta et sanctificata in Spiritu Sancto. Habeo igitur gloriam in Christo Jesu ad Deum. Non enim audeo aliquid loqui eorum que per me non efficit Christus: inobedientiam gentium. In verbo: et factis: in virtute signorum et prodigiorum: in virtute Spiritus Sancti: ita ut ab Hierusalem per circuitum usque ad Illiricum repleverim evangelium Christi. Sic autem predicavi hoc evangelium: non ubi nominatus est Christus: ne super alienum fundamentum edificarem: sicut scriptum est. Quibus non 2 est annunciatum de eo videbunt: et qui non audierunt intelligent. (0111B)Propter quod et impediebar plurimum venire ad vos: et prohibitus sum usque adhuc. Nunc vero ulterius locum non habens in his regionibus: cupiditatem autem habens veniendi ad vos ex multis jam precedentibus annis: cum in Hispaniam proficisci cepero: spero quod preteriens videam vos: et a vobis deducar illuc: si vobis ex parte primum fruitus fuero. Nunc igitur proficiscar in Hierusalem ministrare sanctis. Probaverunt enim Macedonia et Achaya collationem aliquam facere in pauperes sanctorum qui sunt in Hierusalem. Placuit enim eis et debitores sunt eorum. Nam si spiritualium eorum participes facti sunt gentiles: debent et in carnalibus ministrare eis. Hoc igitur cum consummavero et assignavero eis fructum hunc: proficiscar per vos in Hispaniam. (0111C)Scio autem quoniam veniens ad vos: in abundantia benedictionis Christi veniam. R\. Amen.
Dicat Sacerdos. Dominus sit semper vobiscum. R\. Et cum.
Lectio sancti Evangelii secundum Lucam ( Cap. III).
R\. Chorus. Gloria tibi Domine.
Anno quintodecimo Imperii Tiberii Cesaris: procurante Pontio Pilato Judeam: Tetrarcha autem Galilee Herode: Philippo autem fratre ejus Tetrarcha Ituree et Traconitidis regionis: et Lisania Abiline Tetrarcha: sub principibus Sacerdotum Anna et Caipha. Factum est verbum Domini super Johannem Zacharie filium in deserto. Et venit in omnem regionem Jordanis: predicans baptismum penitentie in (0111D)remissionem peccatorum: sicut scriptum est in libro sermonum Esaye prophete. Vox clamantis in deserto: parate viam Domini: rectas facite semitas ejus. Omnis vallis implebitur: et omnis mons et collis humiliabitur. Et erunt prava in directa: et aspera in vias planas: et videbit omnis caro salutare Dei. Dicebat ergo ad turbas qui exierant ut baptizarentur ab ipso. Genimina viperarum: quis ostendit vobis fugere a ventura ira? Facite ergo fructus dignos penitentie: et ne ceperitis dicere: patrem habemus (0112A)Abraam. Dico enim vobis: quia potens est Deus de lapidibus istis suscitare filios Abrahe. Jam enim securis ad radicem arboris posita est. Omnis ergo arbor non faciens fructum bonum: excidetur et in ignem mittetur. Et interrogabant eum turbe dicentes. Quid ergo faciemus? Respondens autem dicebat illis. Qui habet duas tunicas: det non habenti. Et qui habet escas: similiter faciat. Venerunt autem et publicani ut baptizarentur: et dixerunt ad illum. Magister quid faciemus? At ille dixit ad eos. Nihil amplius quam quod constitutum est vobis: faciatis. Interrogabant autem eum et milites dicentes. Quid faciemus et nos? Et ait illis. Neminem concutiatis: neque calumniam faciatis: et contenti estote stipendiis vestris. Existimante autem populo et cogitantibus omnibus in (0112B)cordibus suis de Johanne: ne forte ipse esset Christus. Respondit Johannes dicens omnibus. Ego quidem aqua baptizo vos: veniet autem fortior me post me: cujus non sum dignus solvere corrigiam calciamentorum ejus: ipse vos baptizabit in Spiritu Sancto et igni. Cujus ventilabrum in manu ejus: et purgabit aream suam: et congregabit triticum in horreum suum: paleas autem comburet igni inextinguibili. Multa quidem et alia exhortans: evangelizabat populo. R\. Amen.
Dicat Presb. Dominus sit semper vobiscum. R\. Et cum. Dicat Chorus. Lauda. Alleluja. V\. Mitte nobis Domine auxilium de sancto: et de Syon tuere nos alleluja.
Interim quod Chorus dicit alleluja: offert Sacerdos (0112C)hostiam cum calice et cum orationibus que sequuntur.
Acceptabilis sit majestati tue omnipotens eterne Deus hec oblatio: quam tibi offerimus pro reatibus et facinoribus nostris: et pro stabilitate sancte catholice et apostolice fidei cultoribus: per Christum Dominum nostrum. In nomine Patris + et Filii et Spiritus Sancti. Amen.
Dimittendo patenam super corporales. Deinde accipiat calicem sanctificando sic. In nomine Patris + et Filii et Spiritus Sancti amen.
Oratio. Offerimus tibi Domine calicem ad benedicendum sanguinem Christi filii tui: 3 deprecamurque clementiam tuam: ut ante conspectum divine majestatis tue: cum odore suavitatis ascendat. Per eundem Christum Dominum nostrum amen.
(0112D)Ponat calicem super aram: et accipiat filiolam sine sanctificatione et ponat super calicem dicendo sic.
Oratio. Hanc oblationem quesumus Domine placatus admitte: et omnium offerentium eorum pro quibus tibi offertur peccata indulge. Per Christum Dominum nostrum amen. Et dicat junctis manibus inclinando se.
Oratio. In spiritu humilitatis et in animo contrito suscipiamur Domine a te: et sic fiat sacrificium nostrum: (0113A)ut a te suscipiamur hodie: ut placeat tibi Domine Deus. Veni Sancte Spiritus sanctificator: sanctifica hoc sacrificium de manibus meis tibi preparatum.
Hic ponat incensum in thuribulo et incenset sacrificium si placuerit: postea inclinet se Sacerdos in medium altaris junctis manibus: et dicat alta voce. Adjuvate me fratres in orationibus vestris et orate pro me ad Deum. Chorus respondeat. Adjuvet te Pater et Filius et Spiritus Sanctus.
Et Sacerdos vertat se ad populum; et faciat offertorium si voluerit. Et dicat Chorus.
Sacrificium. Regnabit Dominus in Hierusalem: et in conspectu seniorum alleluja. V\. Hec dicit Dominus: erit quasi pater habitantibus Hierusalem: et qui inhabitat in Syon: et dabo clavem domus (0113B)David super humeros ejus et aperiet: et non est qui claudat Hierusalem alleluja.
Hic accipiat Sacerdos aquam in manibus et dicat silentio super oblationem cum tribus digitis. In nomine Patris + et Filii et Spiritus Sancti regnas Deus in secula seculorum amen.
Inclinet se ante Altare et dicat in silentio istam orationem.
Accedam ad te in humilitate spiritus mei: loquar te: quia multam spem fortitudinem dedisti me: tu ergo fili David qui revelatus mysterio: ad nos in carnem venisti: clave crucis tue secreta cordis mei adaperi: mittens unum de Seraphim qui candens carbo ille qui de altari tuo sublatus est: sordentia labia mea emundat: mentem et jubilet: docendi (0113C)materiam subministret: ut lingua que proximorum utilitati per charitatem servit ne erroris insonet casum: sed veritatis resultet sine fine preconium: per te Deus meus: qui vivis et regnas in secula seculorum amen.
Incipit Missa. Dicat Presb. Dominus sit semper vobiscum. R\ Et cum.
Oratio. Adventum Domini nostri Jesu Christi fratres dilectissimi votis omnibus prestolantes: Dei patris omnipotentiam imploremus: ut corda nostra purificet: et corpora immaculata conservet. Det abilitatem fidelium mentibus fideliter quaerere: quod saluti possit prodesse. Expectemus conscientia secura venturum: quem super omnem principatum et potestates credimus exaltatum. Simus etiam per singula (0113D)momenta solliciti: ut mereamur habere propicium quem credimus et fatemur ad judicandos nos vivos et mortuos in gloria esse venturum. R\. Amen.
Dicat Presb. Per misericordiam tuam Deus noster qui es benedictus et vivis et omnia regis in secula seculorum. R\. Amen.
Dicat Presb. elevando manus. Oremus. R\. Chorus. (0114A)Agyos: agyos: agyos. Domine Deus Rex eterne tibi laudes et gratias. Postea dicat Presbiter. Ecclesiam sanctam catholicam in orationibus in mente habeamus: ut eam Dominus fide et spe et charitate propicius ampliare dignetur: omnes lapsos captivos infirmos atque peregrinos in mente habeamus: ut eos Dominus propicius redimere: sanare et confortare dignetur. R\. Chorus. Presta eterne omnipotens Deus. Dicat Chorus aliam orationem.
Purifica Domine Deus Pater omnipotens pectorum archana nostrorum: cunctasque propicius maculas ablue peccatorum: ac presta Domine: ut beneficio pietatis tue nostris criminibus emundati: metuendum, terribilemque adventum Domini nostri Jesu Christi filii tui expectemus interriti. Sicque te miserante: (0114B)hic percipere mereamur omnium veniam delictorum: ut tuum in futuro judicium nobis sentiamus omnino mitissimum: et dextere tue participes facti: a te mereamur perpetue vite percipere premium: tuumque consequamur invictum infinitum et fortissimum regnum R\. Amen. Dicat Presb. Per misericordiam tuam Deus noster in cujus conspectu sanctorum Apostolorum et Martyrum Confessorum atque Virginum 4 nomina recitantur. R\. Chorus. Amen. Dicat Presb. Offerunt Deo Domino oblationem Sacerdotes nostri: Papa Romensis: et reliqui pro se et pro omni clero ac plebibus ecclesie sibimet consignatis: vel pro universa fraternitate: item offerunt universi Presbiteri Diachoni: Clerici ac populi circumastantes: in honorem sanctorum pro se et suis. R\. Chorus. Offerunt pro se (0114C)et pro universa fraternitate.
Dicat Sacerdos. Facientes commemorationem beatissimorum Apostolorum et Martyrum: gloriose Sancte Marie Virginis. Zacharie. Joannis. Infantum. Petri. Pauli. Johannis. Jacobi. Andree. Philippi. Thome. Bartholomei. Matthei. Jacobi. Symonis et Jude. Matthie. Marci et Luce. R\. Chorus. Et omnium Martyrum. Dicat Sacerdos. Item pro spiritibus pausantium. Hilarii. Athanasii. Martini. Ambrosii. Augustini. Fulgentii. Leandri. Isidori. David. Juliani. Item Juliani. Petri. Item Petri. Johannis. Servi Dei. Visitani. Viventi. Felici. Cipriani. Vincentii. Gerontii. Zacharie. Cenapoli. Dominici. Justi. Saturnini. Salvati. Item Salvati. Bernardi. Reimundi. Johannis. Celebruni. Gundisalvi. Martini. Roderici. Johannis. (0114D)Guterii. Sancii. Item Sancii. Dominici. Juliani. Philippi. Stephani. Johannis. Item Johannis. Felicis. R\. Chorus. Et omnium pausantium. Dicat Presb.
Post nomina. Te quesumus Domine Jesu Christe: ut dilectio adventus tui ita in nobis permaneat: ne a te corda nostra unquam recedant. Sicque nos jam in eternam advocationem ascribe: ut ad futurum non (0115A)confundamur: cum ad judicandum veneris orbem. R\. Chorus. Amen.
Dicat Presb. Quia tu es vita vivorum: sanitas infirmorum: ac requies omnium fidelium defunctorum in eterna secula seculorum. R\. Chorus. Amen.
Dicat Presb.
Oratio ad patrem. Domine Deus omnipotens: qui pro humani generis redemptione coeternum tibi coequalemque filium angelica annunciatione: per Marie Virginis uterum usque ad nos voluisti transmittere: atque ante ipsius filii tui adventum Johannem dignatus es destinare preconem. Ut per ejus veridicam in deserto heremi predicationem: populus penitens veternorum facinorum acciperet veniam: per novi autem hominis Dei Regnum evangelizantis (0115B)divine Trinitatis plenam mundus consequi mereretur ineffabilem gratiam. Dona nobis in hoc tempore adventus unigeniti tui eandem pacis gratiam: quam in preterita largire dignatus es secula: et illis nos in occursu fidei socies numerandos: quos in fidei primordio a Johanne in Jordane penitentie undis aquarum ablutos: a te postremo per filium in Spiritu Sancto et igni cognoscimus baptizatos. Respondeat Chorus. Amen. Dicat Presb. Quia tu es vera pax nostra et charitas indisrupta vivis tecum et regnas cum Spiritu Sancto unus Deus in secula seculorum. R\. Chorus. Amen.
Dicat Presb. elevatis manibus in celum. Gratia Dei Patris omnipotentis: pax ac dilectio Domini nostri Jesu Christi: et communicatio Spiritus Sancti: sit (0115C)semper cum omnibus nobis. R\. Chorus. Et cum hominibus bone voluntatis. Dicat Presb. Quomodo astatis pacem facite. R\. Chorus. Pacem meam do vobis: pacem meam commendo vobis: non sicut mundus dat pacem do vobis. V\. Novum mandatum do vobis ut diligatis invicem. Reiteretur. Pacem meam do vobis. V\. Gloria et honor Patri et Filio et Spiritui Sancto in secula seculorum amen. Reiteretur. Pacem meam. Interim quod Chorus dicit. Pacem meam: accipiat Sacerdos pacem de patena dicendo sic. Habete osculum dilectionis et pacis: ut apti sitis sacrosanctis mysteriis Dei. Et statim det pacem Diacono vel puero: et puer populo. Postea inclinet se Sacerdos junctis manibus et dicat. Introibo ad altare (0115D)Dei mei. Respondeat Chorus. Ad Deum qui letificat juventutem meam. Presbiter ponat manus super calicem et dicat. Aures ad Dominum. R\. Chorus. Habemus ad Dominum. Dicat Presb. Sursum corda. R\. Chorus. Levemus ad Dominum. Dicat Presb. inclinando se junctis manibus. Deo ac Domino nostro (0116A)Jesu Christo filio Dei qui est in celis dignas laudes dignasque gratias referamus. Et dicendo. Gratias referamus. Elevet Sacerdos manus in altum. R\. Chorus. Dignum et justum est. Postea dicat Presbiter.
5 Inlatio. Dignum et justum est. Nos tibi gratias agere; Domine sancte Pater eterne omnipotens Deus: per Jesum Christum filium tuum Dominum nostrum. Quem Johannes fidelis amicus precessit nascendo: precessit in desertis heremi predicando: precessit baptizando. Viam quoque preparans judicii ac redemptoris: convocavit peccatores ad penitentiam: et populum salvatori adquirens baptizavit in Jordane peccata propria confitentes. Non homines innovando plenam conferens gratiam: sed piissimi Salvatoris ammonens expectare presentiam. Non remittens (0116B)ipse peccata ad se venientibus: sed remissionem peccatorum ad futurum pollicens esse credentibus. Ut descendentibus in aqua penitentie: ab illo speraretur remedium indulgentie: quem venturum audiebant plenum dono veritatis et gratie. Baptizatus igitur ab eo Christus ex elemento visibili et spiritu invisibili. Ducebantur per obedientiam ad misericordiam per filium sterilis: ad filium virginis. Per Johannem hominem magnum: ad Christum hominem Deum. Quem cum Patre, et Spiritu Sancto adorant angeli atque archangeli: throni dominationes: et potestates ita dicentes. R\. Chorus. Sanctus. Sanctus. Sanctus Dominus Deus Sabbaoth: pleni sunt celi et terra gloria majestatis tue: osanna (0116C)filio David: osanna in excelsis. Benedictus qui venit in nomine Domini: osanna in excelsis.
Dicat Presbyter.
Post Sanctus. Vere sanctus et gloriosus Dominus noster Jesus Christus filius tuus. Quem olim credimus incarnatum fuisse pro salute humani generis: et nunc expectamus ad judicium venturum in gloria claritatis cum omnibus sanctis: ipse Dominus ac redemptor eternus. Deinde dicat Presb. in silentio junctis manibus inclinando se ante altare hanc Orationem.
Adesto adesto Jesu bone pontifex in medio nostri: sicut fuisti in medio discipulorum tuorum: sancti + fica hanc oblationem: + ut sanctificata + (0116D)sumamus per manus sancti angeli tui sancte Domine ac redemptor eterne. Dominus noster Jesus Christus in qua nocte tradebatur accepit panem: et gratias agens bene + dixit ac fregit: deditque discipulis suis dicens. Accipite et manducate. Hoc: est: corpus: meum: quod: pro: vobis: tradetur. Hic (0117A)elevatur corpus. Quotiescumque manducaveritis: hoc facite in meam + commemorationem. Similiter et calicem postquam cenavit dicens. Hic + est: calix: novi: testamenti: in: meo: sanguine: qui: pro: vobis: et: pro: multis: effundetur: in: remissionem: peccatorum. Hic elevetur calix coopertus cum filiola. Quotiescumque biberitis hoc facite in meam + commemorationem. Et cum perventum fuerit ubi dicit. In meam commemorationem. Dicat presb. alta voce omnibus diebus preter festivis: pari modo ubi dicit In claritatem de celis. Et qualibet vice respondeat Chorus. Amen. Quotiescumque manducaveritis panem hunc et calicem istum biberitis: mortem Domini annunciabitis donec veniet. In claritatem + de celis. R\ Chorus. Amen.
Dicat Presb.(0117B) Post pridie. Oratio. Domine Jesu Christe hanc hostiam vivam illustratione adventus sanctifica ut ex ea libantes: mundemur a crimine: et tuam gratiam mereamur percipere sine fine. R\. Amen. Postea dicat presb.
Te prestante sancte Domine: quia tu hec omnia nobis indignis servis tuis: valde bona creas: sancti + ficas: vivificas + benedi + cis + ac prestas nobis: ut sit benedicta a te Deo nostro in secula seculorum. R\. Chorus. Amen. Et tunc Presb. accipiat corpus Domini de patena et ponat super calicem discoopertum: et dicat alta voce omnibus diebus videlicet festivis et Dominicis: preter in locis in quibus erit 6 antiphona propria ad confractionem panis. Dominus (0117C)sit semper vobiscum. R\. Et cum. Dicat presb. Fidem quam corde credimus: ore autem dicamus. Et elevet Sacerdos Corpus Christi ut videatur a populo. Et dicat Chorus simbolum bini ac bini videlicet.
Credimus in unum Deum Patrem omnipotentem. Factorem celi et terre. Visibilium omnium et invisibilium conditorem. Et in unum Dominum nostrum Jesum Christum Filium Dei Unigenitum. Et ex Patre natum ante omnia secula Deum ex Deo. Lumen ex lumine. Deum verum ex Deo vero. Natum non factum. Omousion Patri hoc est ejusdem cum Patre substantie. Per quem omnia facta sunt que in celo et que in terra. Qui propter nos homines et propter nostram salutem descendit de celis. Et incarnatus est de Spiritu Sancto ex Maria Virgine et homo factus (0117D)est. Passus sub Pontio Pilato. Sepultus tertia die resurrexit. Ascendit ad celos sedet ad dexteram Dei Patris omnipotentis. Inde venturus est judicare vivos (0118A)et mortuos. Cujus regni non erit finis. Et in Spiritum Sanctum Dominum vivificatorem: et ex Patre et Filio procedentem. Cum Patre et Filio adorandum et conglorificandum. Qui locutus est per Prophetas. Et unam sanctam Catholicam et Apostolicam Ecclesiam. Confiteor unum baptisma in remissionem peccatorum. Expectamus resurrectionem mortuorum: et vitam venturi seculi. Amen.(0118B) (0118C)Et deinde faciat Presbyter sic. Frangat Eucharistiam per medium: et ponat mediam partem in Patena: et de alia parte faciat quinque particulas et ponat in Patena: et accipiat aliam partem et faciat quatuor particulas et ponat in Patena similiter per ordinem facte per rotas istas que supra sunt. Et statim purget bene digitos: et cooperto calice fiat memento pro vivis. Postea dicat Presbyter ad orationem Dominicam equaliter istam orationem.
Oremus. Verbum Patris quod cum factum es ut habitares in nobis. Presta nobis ut qui te venisse (0118D)jam credimus: ab omni peccatorum eruamur contagione: cum preceptionis tue oraculis proclamaverimus e terris.
(0119A)Pater noster qui es in celis. R\. Amen. Sanctificetur nomen tuum. R\. Amen. Adveniat regnum tuum. R\. Amen. Fiat voluntas tua: sicut in celo et in terra. R\. Amen. Panem nostrum quotidianum da nobis hodie. R\. Quia tu Deus es. Et dimitte nobis debita nostra: sicut et nos dimittimus debitoribus nostris. R\. Amen. Et ne nos inducas in temptationem. R\. Sed libera nos a malo. Dicat Presb. Liberati a malo: confirmati semper in bono: tibi servire mereamur Deo ac Domino nostro. Pone Domine finem. Hic percutiat pectus: peccatis nostris: da gaudium tribulatis: prebe redemptionem captivis: sanitatem infirmis: requiemque defunctis. Concede pacem et securitatem in omnibus diebus nostris: frange audaciam inimicorum nostrorum: et (0119B)exaudi Deus orationes servorum tuorum omnium fidelium Christianorum in hac die et in omni tempore. Per Dominum nostrum Jesum Christum filium tuum: qui tecum vivit et regnat in unitate Spiritus Sancti Deus. Per omnia secula seculorum. R\. Amen. Sic faciat presb. Accipiat modo particulam que dicitur regnum de Patena: et ponat super calicem: in tempore resurrectionis videlicet dicat tribus vicibus. Vicit leo de tribu Juda radix David alleluja. R\. Chorus qualibet vice. Qui sedes super Cherubin radix David alleluja. Et postea dicat istam orationem inter se submissa voce.
Sancta sanctis et conjunctio corporis Domini nostri Jesu Christi: sit sumentibus et potantibus nobis ad veniam: et defunctis fidelibus prestetur ad requiem. (0119C)Et mittat particulam in calicem et cooperiat calicem: et dicat alta voce sic: si non fuerit ibi Diachonus. Humilitate vos benedictioni. Dominus sit semper vobiscum. R\. Et cum spiritu. Benedictio. Illustret vos unigenitus filius Dei lumine adventus sui: qui vos redimere non dedignatus est precio sanguinis proprii. R\. Amen. Accingat vos virtutibus pacis: et ditet muneribus copiosis. R\. Amen. Ipsumque Dominum semper habeatis protectorem: quem omnipotens Pater suscitavit de tribu Juda victorem R\. Amen.
Dicat Presb. Per misericordiam ipsius Dei nostri: qui est benedictus et vivit 7 et omnia regit in secula seculorum. R\ Amen. Dominus sit semper vobiscum. (0119D)R\. Et cum. Dicat Chorus. Gustate et videte quam suavis est Dominus alleluja: alleluja: alleluja. V\. Benedicam Dominum in omni tempore: semper laus ejus in ore meo. P. Alleluja: alleluja: alleluja. V\. Redimet Dominus animas servorum suorum: et non derelinquet omnes qui sperant in cum. P. Alleluja: alleluja: alleluja. V\. Gloria et honor Patri et Filio et Spiritui Sancto in secula seculorum. Amen. (0120A)P. Alleluja: alleluja: alleluja. In dicendo. Gustate et videte. Accipiat Presbyter aliam particulam sequentem que dicitur Gloria. Et ponat super calicem et dicat cum silentio istam orationem.
Panem celestem de mensa Domini accipiam: et nomen Domini invocabo. Et dicat sacerdos. Memento pro mortuis: tenendo illam particulam super calicem: et dicto Memento dicat istas orationes que sequuntur.
Domine Deus meus: da mihi corpus et sanguinem Filii tui Domini nostri Jesu Christi ita sumere: ut per illud remissionem omnium peccatorum merear accipere: et tuo sancto Spiritu repleri Deus noster: qui vivis et regnas in secula seculorum. Amen.
Oratio. Ave in evum sanctissima caro Christi imperpetuum (0120B)summa dulcedo: panem celestem accipiam et nomen Domini invocabo. Hic faciat signum cum hostia et sumat particulam quam in manu habet et cooperiat calicem et veniat ad Patenam: et consumat omnes particulas per ordinem. Et deinde accipiat patenam et ponat super calicem et purget bene cum digito pollicis et dicat hanc orationem.
Ave in evum celestis potus: qui mihi ante omnia et supra omnia dulcis es.
Alia oratio. Corpus et sanguis Domini nostri Jesu Christi custodiat corpus et animam meam in vitam eternam. Amen. Hic accipiat sanguinem: et dum Sacerdos sumpserit sanguinem dicat immediate hanc orationem.
(0120C)Domine Deus meus Pater et Filius et Spiritus Sanctus: fac me te semper querere et diligere: et a te per hanc sanctam communionem quam sumpsi nunquam recedere: quia tu es Deus et preter te non est alius in secula seculorum. Amen. Cantet Chorus comm. Refecti corpore et sanguine te laudamus Domine. Alleluja: alleluja: alleluja. Eat Sacerdos ad cornu altaris et dicat hanc orationem.
Refecti Christi corpore et sanguine pariter: quia sanctificati Deo Patri omnipotenti gratias referamus: ut nos in eandem refectionem et sanctificationem habentes hic: et in futuro seculo gloriam percipiamus. R\. Amen. Dicat Presb. Per misericordiam tuam Deus noster qui es benedictus et vivis et omnia regis in secula seculorum. R\. Amen. Dominus sit semper vobiscum. (0120D)R\. Et cum. Dicat Presb. vel Diachonus. Solennia completa sunt in nomine Domini nostri Jesu Christi: votum nostrum sit acceptum cum pace. R\. Deo gratias. Ista oratio supradicta sit in medium altaris. In ista Missa et in aliis non vertitur Sacerdos ad populum nisi quando dixerit. Adjuvate me fratres in orationibus vestris.
IN SECUNDO DOMINICO DE ADVENTU DOMINI. (0121A) Ad Missam. Officium.
Super montem altissimum ascende tu qui evangelizas Syon: exalta in fortitudine vocem tuam qui evangelizas Hierusalem. Dic civitatibus Juda alleluja: alleluja. V\. Deus manifeste veniet et Deus noster et non silebit. P. Dic civitatibus. V\. Gloria et honor Patri et Filio et Spiritui Sancto in secula seculorum. Amen. P. Dic civitatibus. Dicat Presb. Per omnia semper secula seculorum. R\. Amen. Dicat Presb.
Oratio. Deus qui per angelicos choros: ut supra in prima Missa. Et dicta oratione dicat Presb. Per misericordiam tuam Deus noster qui es benedictus et vivis et omnia regis in secula seculorum. R\. Amen. Dicat Presb. Dominus sit semper vobiscum. R\. Et (0121B)cum. Sicut dictum est in prima Missa. Dicat Chorus.
Lectio libri Esaye prophete (Cap. LI).
R\. Deo gratias.
Hec dicit Dominus. Audite qui scitis justum: populus meus: lex mea in corde eorum. Nolite timere obprobrium hominum: et blasphemias eorum ne metuatis. Sicut enim vestimentum: sic comedet eos vermis: et sicut lanam: sic devorabit eos tinea. Salus autem mea in sempiternum erit: et justicia mea in generationes generationum. Consurge, consurge: induere fortitudinem brachium 8 Domini: consurge sicut in diebus antiquis: in generationibus seculorum. Numquid non tu percussisti superbum: vulnerasti draconem? Numquid non tu siccasti mare: aquam abyssi vehementis? Qui posuisti profundum maris (0121C)viam: ut transirent liberati: Et nunc quid redempti sunt a Domino: revertentur et venient in Syon laudantes: et leticia sempiterna super capita eorum. Gaudium et leticiam obtinebunt: et fugiet dolor et gemitus. Ego ego ipse consolabor vos. R\. Amen. Dicat Presb. Dominus sit semper vobiscum. R\. Et cum spiritu. Dicat Chorus. R\. Excita potentiam tuam Domine. Et veni ad liberandum nos. V\. Qui regis Israel intende qui deducis velut ovem Joseph appare. P. Et veni. Dicat Presb. Silentium facite.
Dicat Chorus.
Sequentia epistole Pauli apostoli ad Romanos. (Cap. XIII).
R\. Deo gratias.
Fratres. Omnis anima potestatibus sublimioribus (0121D)subdita sit. Non est enim potestas nisi a Deo. Que autem (0122A)sunt a Deo: ordinata sunt. Itaque qui potestati resistit: Dei ordinationi resistit. Qui autem resistunt: ipsi sibi damnationem acquirunt. Nam principes non sunt timori boni operis: sed mali. Vis autem non timere potestatem: bonum fac: et habebis laudem ex illa. Dei enim minister est tibi in bonum. Si autem malum feceris: time. Non enim sine causa gladium portat. Dei enim minister est: vindex in iram ei qui malum agit. Ideo enim necessitati subditi estote: non solum propter iram: sed etiam propter constantiam: et tributa prestantes. Ministri enim sunt Dei: in hoc ipsum servientes. Reddite ergo omnibus debita. Cui tributum: tributum. Cui vectigal: vectigal. Cui timorem: timorem. Cui honorem: honorem. Nemini quicquam debeatis: nisi ut (0122B)invicem diligatis. R\. Amen. Dicat Presbyter vel Diaconus.
Lectio sancti Evangelii secundum Mattheum (Cap. XI).
In illo tempore. Cum audisset Johannes in vinculis opera Christi: mittens duos de discipulis suis: ait illi. Tu es qui venturus es: an alium expectamus? Et respondens Jesus ait illis. Euntes renunciate Johanni que audistis et vidistis. Ceci vident: claudi ambulant: leprosi mundantur: surdi audiunt: mortui resurgunt: pauperes evangelizantur. Et beatus est qui non fuerit scandalizatus in me. Illis autem abeuntibus: cepit Jesus dicere ad turbas de Johanne: Quid existis in desertum videre? Arundinem vento agitatam? Sed quid existis videre? Hominem mollibus vestitum: Ecce qui mollibus vestiuntur: in domibus (0122C)regum sunt. Sed quid existis videre? Prophetam? Etiam dico vobis: et plusquam Prophetam. Hic enim est de quo scriptum est. Ecce ego mitto angelum meum ante faciem tuam: qui preparabit viam tuam ante te. Amen dico vobis: non surrexit inter natos mulierum major Johanne Baptista. Qui autem minor est in regno celorum major est illo. A diebus autem Johannis Baptiste usque nunc regnum celorum vim patitur: et violenti rapiunt illud. Omnes enim prophete et lex: usque ad Johannem prophetaverunt. Et si vultis recipere: ipse est Helias qui venturus est. Qui habet aures audiendi audiat. R\. Amen. Dicat Presb. Dominus sit semper vobiscum. R\. Et cum spiritu tuo. Dicat Chorus. Lauda. Alleluja. V\. Deus convertens vivificabis nos: et plebs tua letabitur (0122D)in te. P. Alleluja. Dicat Presb. Adjuvate me fratres (0123A)in orationibus vestris: et orate pro me ad Deum. Respondeat Chorus. Adjuvet te Pater et Filius et Spiritus sanctus. Dicat Chorus. Sacrificium quod dicitur offertorium. Venient ad te populi multi alleluja: et reges gentium per portas tuas ingredientur: et vocaberis civitas Domini. Fidelis Syon ultra non eris derelicta alleluja: alleluja. V\. Hec dicit Dominus dabo in pace principes tuos Syon: et Sacerdotes tuos in exultatione: et letabuntur in salutare muri tui in eternum et in seculum seculi. P. Fidelis Syon. Dum dicitur sacrificium offerat hostiam Sacerdos in calice cum orationibus. Hic incipit Missam dicendo. Dominus sit semper vobiscum. R\. Et cum spiritu tuo.
Missa. Accedentes ad mensam terribilis omnipotentis Dei: cum summo gaudio Domino Deo nostro (0123B)illibatas hostias 9 offeramus fratres charissimi: quia dignatus est filii sui adventum per Johannem Baptistam hominibus nunciare. Sic enim affatur. Venit et fortior me post me: cujus non sum dignus corrigiam calciamenti solvere. Quos ego tingo in aqua baptismi: ipse baptizat in Spiritu Sancto et igni. Quia ipse est filius Dei: quem princeps angelice milicie per uterum Virginis sacre in mundo annunciavit venire. Poscamus ergo Deum Patrem: ut hec que ob solemnitatem adventus Filii sui offerimus holocausta: non discutiens nostra peccata: in suo conspectu efficiat graciosa.
R\. Amen.
Dicat Presb. Per misericordiam tuam Deus noster qui es benedictus et vivis etc. ut supra fol. 3.
(0123C)Postea dicat Orationem.
Oratio. Jocundatur Domine et tripudiat terra: quia Verbum caro factum habitat in sacre Virginis membra. In cujus adventu omnis de captivitate redimitur terra: que detinebatur per transgressionem Ade in obscurata gehenna. Nunc moveatur mare et omnia que in eis sunt: montes exultent et omnia ligna silvarum: quia Deus homo dignatur per uterum Beate Virginis Marie: de celo in mundum venire. Per ipsius igitur adventum te deprecamur omnipotens Deus: ut nostre carnis fragilitatem a vinculis peccatorum absolvas: et presenti familie tue misericordia plenus occurras.
R\. Amen.
(0123D)Dicat Presbyt. Per misericordiam tuam Deus noster in cujus conspectu. Ut supra fol. 4.
Post nomina. Domine Jesu Christe quem venturum esse credimus judicem: qui jam dudum in primo adventu glorie tue propter nostra scelera humilis venire dignatus es: Petimus: ut dum adventus clementie tue secundus advenerit: nostra nomina absterso peccato: cum sanctis tuis facias prenotari.
R\. Amen.
(0124A)Dicat Presb. Quia tu es vita vivorum. Ut supro col. 115.
Ad pacem. Jesu virtus infirmitatis nostre: qui sine manibus precidentium lapis verus es abscisus a monte: quo omnis latitudo repleta est terre. Tu corda nostra reple dono pacis et gratie: ut qui incarnationis tue celebramus solennia: per pacis bonum future examinationis liberemur a pena.
R\. Amen.
Dicat Presb. Quia tu es vera pax nostra, etc. Gratia Dei Patris, etc. Et postea dicat. Introibo ad Altare Dei mei, etc. Quere supra fol. 4.
Inlatio. Dignum et justum est: vere equum et salutare est: Domini nostri Jesu Christi adventum in mirabilibus predicare: quem inter homines nasciturum (0124B)celestis nuncius nunciavit. Virgo terrena dum salutaretur audivit: Spiritus Sanctus in utero: dum veniret creavit: ut Gabriele pollicente: Maria credente: Dei verbo Spiritu cooperante: sequeretur salutationem Angelicam securitas: promissionem perficeret veritas: ut altissimi obumbrante virtute: didicisset se esse fecunda virginitas. Ecce concipies in utero et paries filium: Angelus predicavit: et quomodo fiet istud Maria respondit. Sed quia hec credendo non dubitando respondit: implevit Spiritus Sanctus quod Angelus spopondit. Virgo ante conceptum: Virgo semper futura post partum. Deum suum prius mente: dehinc ventre concepit: salutem mundi prima suscepit. Virgo plena gratia Dei: et (0124C)ideo vera mater Filii Dei: quem adorant Angeli. Throni. Dominationes. Et Potestates ita dicentes.
Dicat Chorus. Sanctus. Sanctus. Sanctus.
Dicat Presb.
Post Sanctus. Vere Sanctus: vere benedictus Dominus noster Jesus Christus Filius tuus. Qui cum in forma Dei esset: semetipsum exinanivit: formam accipiens servi: cum incarnatus in utero Virginis abscondens Divinitatem suam: suscepit infirmitatem nostram: ipse Dominus ac Redemptor eternus.
Postea dicat. Adesto adesto Jesu bone. Ut supra fol. 5.
Deinde dicat
Post pridie. Deus qui sic dilexisti mundum: ut Filium tuum unigenitum dares pro mundo. Tu hec (0124D)libamina tibi benedicenda assume: et nobis tue benedictionis dona largire. Ut qui ob mysterium Incarnationis tue hec tibi sacrificia veneranda litamus: horum sacrificiorum propiciationibus: ab omnibus criminibus expiemur. R\. Amen.
Dicat Presb. Te prestante Sancte Dñe. Ut supra fol. 5. Dñus sit semper vobiscum. R\. Et 10 cum spiritu. Sicut dictum est retro et omnia alia.
Ad Orationem Dominicam. Confortamini manus (0125A)fatigate: roboramini pusillanimes. Hilarescite: nolite timere. Extollite ad Deum manus vestras: et excitate corda. Quia ecce jam in proximo est redemptio nostra. Cujus incarnatio nos redemit: cujus processio nativitatis illuminabit: cujusque etiam preceptum nos docuit orare semper et dicere. Pater noster qui es in celis. Totum sicut scriptum est retro fol. VI.
Dicat Presb. Sancta Sanctis: et conjunctio corporis. Dicat Presb. Humiliate vos benedictioni.
Benedictio. Unigenitus Filius Dei qui incarnatus in mundo oculos illuminavit cecorum: ipse spiritualem in cordibus nostris impertiat intellectum. R\. Amen.
Quique natus de Virgine adimplevit legem: impleat in nobis omne promissum gratie sue. R\. Amen.
(0125B)Ut ejus sine confusione mereamini contueri faciem: cujus Incarnationis solennitatem celebratis amanter. R\. Amen
Dicat Presb. Per misericordiam ipsius Dei nostri. Ut supra. Dicat Chorus. Gustate et videte. Et omnia alia que sequuntur ut in primo Dominico de adventu fol. 6.
Oratio. Refecti Christi corpore. Et dicat Presb. In nomine Domini nostri Jesu Christi. Votum nostrum sit acceptum in pace. R\. Deo gratias.
DOMINICA TERTIA ADVENTUS DOMINI. Ad Missam. Officium.
Ecce revelabitur gloria Domini gentibus alleluja. Et videbit omnis caro alleluja. Quod os Domini locutum est alleluja alleluja. V\. Deus manifeste (0125C)veniet: Deus noster et non silebit. P. Quod os. V\. Gloria et honor Patri et Filio et Spiritui Sancto in secula seculorum amen. P. Quod os
Oratio. Deus qui per angelicos. Ut supra in prima Missa.
Lectio libri Esaye Prophete ( Cap. LI).
Hec dicit Dominus. Audite me qui sequimini quod justum est: et queritis Dominum. Attendite ad petram: unde excisi estis: et ad cavernam laci de qua precisi estis. Attendite ad Abraham patrem vestrum: et ad Sarram que peperit vos: quia unum vocavi eum: et benedixi eum: et multiplicavi eum. Consolabitur ergo Dominus Syon: consolabitur omnes ruinas ejus. Et ponet desertum ejus quasi delicias: et solitudinem ejus quasi ortum Domini. Gaudium (0125D)et leticia invenietur in eo: gratiarum actio: et vox (0126A)laudis. Attendite ad me popule meus: et tribus mea me audite. Quia lex a me exiet: et judicium meum in lucem populorum requiescet. Prope est justus meus: egressus est Salvator meus: et brachia mea populos judicabunt. Me insule expectabunt: et brachium meum sustinebunt. Levate in celum oculos vestros; et videte sub terra deorsum. Quia celi sicut fumus liquescent: et terra sicut vestimentum atteretur: et habitatores ejus sicut hec interibunt. Salus autem mea in sempiternum erit: et justicia mea non deficiet. R\. Amen.
Psallendo. Ostende nobis Domine misericordiam tuam. Et salutare tuum da nobis. V\. Deus tu conversus vivificabis nos: et plebs tua letabitur in te. P. Et salutare.
(0126B)Dicat Presb. Silentium facite.
Sequentia Epistolae Pauli Apostoli ad Romanos ( Cap. XI).
R\. Deo gratias.
Fratres nolo vos ignorare mysterium hoc: ut non sitis vobis ipsis sapientes: quia cecitas ex parte contigit in Israel: donec plenitudo gentium intraret: et sic omnis Israel salvus fieret. Sicut scriptum est. Veniet ex Syon qui eripiat et avertat impietatem ab Jacob: et hoc illis a me testamentum: cum abstulero peccata eorum. Secundum evangelium quidem inimici propter vos: secundum electionem autem charissimi propter patres. Sine penitentia enim sunt dona et vocatio Dei. Sicut enim aliquando et vos non credidistis Deo: nunc autem misericordiam (0126C)consecuti estis propter illorum incredulitatem: ita et isti nunc non crediderunt in vestram misericordiam: ut et ipsi misericordiam consequantur. Conclusit enim Deus omnia incredulitate: ut omnibus misereatur. O altitudo divitiarum sapientie et scientie Dei: quam incomprehensibilia sunt judicia ejus: et investigabiles vie ejus. Quis enim cognovit sensum Domini: aut quis consiliarius ejus fuit? Aut quis prior dedit illis: et retribuetur ei? Quoniam ex ipso: et per ipsum: et in ipso sunt omnia. Ipsi gloria in secula seculorum.
R\. Amen.
Lectio Sancti Evangelii secundum Mattheum ( Cap. XXI).
Illo in tempore. Dominus noster 11 Jesus Christus (0126D)cum venisset Betphage ad montem Oliveti: misit (0127A)quos discipulos dicens eis. Ite in castellum quod contra vos est: et statim invenietis asinam alligatam: et pullum cum ea; solvite et adducite mihi. Et siquis vobis aliquid dixerit: dicite quia Dominus his opus habet. Et confestim dimittet eos. Hoc autem factum est: ut impleretur quod dictum est per Prophetam dicentem. Dicite filie Syon: ecce Rex tuus venit tibi mansuetus: sedens super asinam et pullum filium subjugalis. Euntes autem discipuli: fecerunt sicut praecepit illis Jesus. Et adduxerunt asinam et pullum: et imposuerunt super eos vestimenta sua: et eum desuper sedere fecerunt. Plurima autem turba straverunt vestimenta sua in via. Alii autem cedebant ramos de arboribus: et sternebant in via. Turbe autem que precedebant, et que sequebantur: (0127B)clamabant dicentes: Osanna filio David: benedictus qui venit in nomine Domini: osanna in altissimis. Et cum intrasset Hierosolimam: commota est universa civitas dicens. Quis est hic? Populi autem dicebant. Hic est Iesus propheta a Nazareth Galilee. Et intravit Jesus in templum Dei: et ejecit omnes ementes et vendentes in templo, et mensas nummulariorum: et cathedras vendentium columbas evertit. Et dicit eis. Scriptum est: domus mea: domus orationis vocabitur: vos autem fecistis illam speluncam latronum. Et accesserunt ad eum ceci et claudi in templo: et sanavit eos. Videntes autem principes Sacerdotum et Scribe: mirabilia que fecit: et pueros clamantes in templo et dicentes. Osanna filio David: indignati sunt: et (0127C)dixerunt ei. Audis quid isti dicunt? Jesus autem dixit eis. Utique. Nunquam legistis: quia ex ore infantium, et lactentium perfecisti laudem. Et relictis illis: abiit foris extra civitatem in Bethaniam: ibique mansit.
R\. Amen.
Dicat Presb. Dominus sit semper vobiscum. R\. Et cum. Dicat Chorus. Alleluja. V\. Cantate Domino canticum novum: bene psallite in jubilatione. P. Alleluja. Dicat Presb. Adjuvate me fratres. fol. 8.
Chorus dicat.
Sacrificium. Ingressus est Daniel in domum Domini, et elevavit sacrificium populo in loco sanctificationis (0127D)ejus dicens. Benedicite Dominum et confitemini ei alleluja. V\. Confortabit me similitudo filii hominis: et dixit Daniel veritatem annuncio tibi: ego sum Michael princeps magnus, et dixi ad eum: (0128A)quomodo potest servus Domini loqui cum Domino suo et locutus est dicens. P. Benedicite.
Missa. Dicat Presb. Dominus sit semper vobiscum. R\. Et cum.
Confortentur queso Domine Jesu Christe in adventu tuo corda fidelium: tuoque in nomine genua roborentur debilium: tua visitatione curentur vulnera egrotorum tuoque tactu oculi illuminentur cecorum: tuo regimine vestigia firmentur claudorum: tuaque miseratione vincula absolvantur peccantium: quosque perspicis adventum olim mystice peracte incarnationis tue nunc promptissima devotione suscipere: hos facito in secundum judicii tui adventum ad te exultantibus animis pervenire: atque in amenitate paradisi jocundaturos inducere: ut ab (0128B)eternis penis tua clementia liberati: viteque eterne participes facti: glorie tue decantent laudis canticum coronati.
R\. Amen.
Alia. Domine Jesu Christe qui olim venisti occultus cum apparueris manifestus: assiste propitius liberaturus populum tuum ab impiorum et a criminum jugo: ut tibi plebs tua serviat in equitate: a quo liberantur ab omni malorum oppressione.
R\. Amen.
Post nomina. Christe Dei filius: cujus incarnatio reparavit mundum: cujusque nomen angelica est voce denunciatum. Tu offerentium nomina illuc asscribe: quo ipse precepisti in corpore. Ut quos hic adventus primi gratia redemisti: in secundi adventus (0128C)examinatione: nulla exurantur pena supplicii: sicque nunc pro defunctorum fidelium quiete exaudiamur: quo te opitulante eterno cum illis pariter fruamur consortio beatorum.
R\. Amen.
Ad pacem. Domine Deus Omnipotens Christe Rex glorie: qui es pax certa et charitas sempiterna: quesumus nostra archana splendore tue pacis irradia: nostramque conscientiam charitatis tue dulcedine redde purissimam: ut pacifice pacis expectemus 12 auctorem, et in adversis hujus mundi te semper custodem habeamus et protectorem. Quatenus tua custodia septi: ita pacis studia certissime diligamus. Ut cum in gloriam adventus tui equus retrïbutor adveneris: (0128D)eterno potiamur gaudio exultationis.
R\. Chorus. Amen.
Inlatio. Dignum et justum est: vere dignum et honorificum est Domine Jesu Christe Deus noster (0129A)adventum glorie tue; et Incarnationis: et Nativitatis mysterium solenni devotione recolere: nostreque salutis insignia: que tantis sunt prolata virtutibus cum tripudio animi predicare. Sed quis dignas valeat dignationi tue rependere laudes? Cujus opera: nec mirabilia numerare possumus nec virtutes. Quantus tamen ipse vel qualis sis: nullus credo audeat dicere: quoniam quantitatem tui vel qualitatem humane sapientie non est datum scire. Sed cujus immensitatem humani sensus capacitas non valeat terminare: unum solummodo est: ut Trinitate Deitatis atque omnipotentie tue simpliciter credamus: et veraciter predicemus. Tu itaque clementissime Deus vere credulitatis in sensibus nostris incrementum multiplica: et imaginis ac similitudinis tue (0129B)formam magisque restaura: ut te quem dudum venisse credimus pro remediis captivorum: in secundo adventu tuo te in majestate venturum sustinentes videre mereamur: concessa nobis indulgentia peccatorum: presta unitas equalis et indivisa Trinitas: Deus noster. Quem celorum multitudo et ineffabilis numerus: quem omnium Angelorum milicia cum senioribus et Virtutibus cum Thronis et Dominationibus laudare non cessant. In cujus preconium quadriga illa senarum remigio suffulta alarum intrinsecus et extrinsecus; minutatim oculis liminata: cum Cherubin hymnum cantici novi concinnunt laudantes atque dicentes.
Dicat Chorus. Sanctus. Sanctus. Sanctus.
Dicat Presb.
(0129C)Post Sanctus. Vere Sanctus: vere benedictus Dominus noster Jesus Christus filius tuus: qui non ex virili semine natus: sed ex Spiritu Sancto a Deo Patre conceptus qui dedit mundo per Incarnationem adventus sui novum fidei lumen: reserans viam que obstrusa fuerat homini primo prothoplausto ipse Dominus ac Redemptor eternus.
Hic dicit Presb. Adesto adesto. Sicut scriptum est in prima Missa fol. 5.
Post pridie. Veni Domine et noli tardare: relaxa facinora plebis tue: conferens omnibus vite premium repromisse. Ut sicut incarnatione tua olim reparati sumus: ita quoque te ad judicium venientem placabilem sentiamus. His quoque te quesumus (0129D)sacrificiis nostris ita sanctificationem tuam infunde: quo ex his sumpturi nullo decidamus in crimine: sed sanctificati tuum mereamur Domine adventum impavidi sustinere.
R\ Amen.
Te prestante. fol. 6.
Ad Orationem Dominicam. Domine Jesu Christe qui pro nobis carnem de Virgine suscepisti: et precepta (0130A)nobis tribuisti orandi: tu que nos te docente exposcimus propiciatus exaudi, ut qui dies istos Incarnationis tue cum summa veneratione suscipimus: dono Sancti Spiritus muniamur proclamantes in terris: Pater noster qui es in celis. Totum sicut dictum est in prima Missa.
Dicat Presb. Sancta Sanctis.
Postea dicat benedictionem. Deus pacis sanctificet vos ad perfectum: cujus Incarnationis ovando celebratis mysterium. R\. Amen. Idem quoque vos castificet mente et corpore: qui se voluit nasci de Virgine. R\. Amen. Ut integer spiritus vester anima et corpus sine querela servetur in adventum ipsius. R\. Amen. Per misericordiam ipsius Dei nostri: qui vivit et omnia regit in secula seculorum.
(0130B)R\. Amen.
Dicat Presb. Dominus sit semper vobiscum. R\. Et cum. Dicat Chorus. Gustate et videte. fol. 7.
IN QUARTA DOMINICA DE ADVENTU DOMINI. Ad Missam. Officium.
Ecce super Montes pe. Require retro in primo Dominico Adventus.
Oratio. Deus qui per Angelicos Choros.
Lectio Libri Esaye Prophete ( Cap. XXIV).
R\. Deo gratias.
13 A Finibus terre laudes: audivimus gloriam justi: Et dixi: Secretum meum mihi. Secretum meum mihi. Vhe mihi. Praevaricantes prevaricati sunt: et prevaricatione transgressorum prevaricati sunt. Formido (0130C)et fovea et laqueus super te: qui habitator es terre. Et erit qui fugerit a facie formidinis: cadet in foveam: et qui se explicaverit de fovea: tenebitur laqueo: quia cataracte de excelsis aperte sunt: et concucientur fundamenta terre. Confractione confringetur terra: contritione conteretur terra: commotione commovebitur terra. Agitatione agitabitur terra sicut ebrius: et auferetur quasi tabernaculum unius noctis. Et gravabit eam iniquitas sua et corruet: et non adjiciet ut resurgat. Et erit in die illa: visitabit Dominus super miliciam celi in excelso: et super reges terre qui sunt super terram. Et congregabuntur in congregatione unius fascis in lacum: et claudentur ibi in carcere: et post dies multos visitabitur. Et erubescet Luna et confundetur Sol: cum regnaverit (0130D)Dominus exercituum in monte Syon et in Hierusalem. Et in conspectu seniorum suorum fuerit glorificatus.
R\. Amen.
Dicat Presb. Dominus sit semper vobiscum
R\. Et cum.
Dicat Chorus.
Psallendo. Exultabunt omnia ligna silve ante (0131A)faciem Dei quia veniet. V\. Cantate Domino canticum novum cantate Deo omnis terra. P. Quia veniet.
Dicat Presb. Silentium facite.
Chorus respondeat.
Sequentia Epistole Pauli Apostoli ad Corinthios. prime ( Cap. XV).
Chorus Resp. Deo gratias.
Fratres. In Christo omnes vivificabuntur. Unusquisque autem in ordine suo: primitie Christus. Deinde hi qui sunt Christi: qui in adventum ejus crediderunt. Deinde finis cum tradiderit Regnum Deo et patri: cum evacuaverit omnem principatum et potestatem et virtutem. Oportet autem illum regnare, donec ponat omnes inimicos sub pedibus ejus. Omnia enim subjecit sub pedibus ejus. Novissime autem inimica (0131B)destruetur mors. Cum autem dicat omnia subjecta sunt ei: sine dubio preter eum qui subjecit ei omnia. Cum autem subjecta fuerint illi omnia: tunc ipse filius subjectus erit illi qui sibi subjecit omnia: ut sit Deus omnia in omnibus. Alioquin quid facient qui baptizantur pro mortuis. Si omnino mortui non resurgunt: ut quid et baptizantur pro illis. Ut quid et non periclitamur omni hora? Quotidie morior propter vestram gloriam fratres quam habeo. In Christo Jesu Domino nostro.
R\. Amen.
Dicat Presb. Dominus sit semper vobiscum.
R\. Et cum spiritu.
Lectio Sancti Evangelii secundum Marcum ( Cap. XII).
Illo in tempore. Dominus noster Jesus Christus loquebatur (0131C)discipulis suis dicens. Cavete a Scribis: qui volunt in stolis ambulare: et salutari in foro: et in primis cathedris sedere in Sinagogis: et primos discubitus in cenis. Qui devorant domos viduarum sub obtentu prolixe orationis. Hi accipient prolixius judicium. Et sedens Jesus contra gazophilacium: aspiciebat quomodo turba jactaret es in gazophilacium. Et multi divites jactabant multa. Cum venisset autem una vidua pauper: misit duo minuta: quod est quadrans. Et convocans discipulos suos ait illis. Amen dico vobis; quoniam vidua hec pauper: plus omnibus misit: qui miserunt in gazophilacium. Omnes enim ex eo quod abundabat illis miserunt. Hec vero de pecunia sua omnia que habuit misit totum victum suum. Cap. XIII. Et cum egrederetur de templo: ait (0131D)illi unus ex discipulis suis. Magister: aspice quales lapides et quales structure. Et respondens Jesus ait illi. Vides has magnas edificationes? Non relinquetur lapis super lapidem: qui non destruatur. Et cum sederet in monte Olivarum: interrogabant eum separatim Petrus et Johannes: et Jacobus et Andreas. Dic nobis quando (0132A)ista fient et quod signum erit quando hec omnia incipient consummari? Et respondens Jesus: cepit dicere illis. Videte ne quis vos seducat. Multi enim venient in nomine meo dicentes quia ego sum: et multos seducent. Cum audieritis autem bella et opiniones bellorum: ne timueritis. 14 Oportet enim hec fieri: sed nondum finis. Exurget gens contra gentem: et regnum super regnum. Et erunt terremotus per loca et fames. Initium dolorum hec. Videte autem vosmetipsos. Tradent enim vos in conciliis et in synagogis vapulabitis: et ante Presides et Reges stabitis propter me in testimonium illis. Et in omnes primum oportet predicari Evangelium. Et cum duxerint vos tradentes: nolite precogitare quid loquamini: sed quod datum vobis fuerit in illa hora: id loquamini. (0132B)Non enim vos estis loquentes: sed Spiritus Sanctus. Tradet autem frater fratrem in mortem: et pater filium et consurgent filii in parentes: et morte afficient eos. Et eritis odio omnibus propter nomen meum. Qui autem sustinuerit in finem: salvus erit. Cum autem videritis abhominationem desolationis stantem ubi non debet: qui legit intelligat. Tunc qui in Judea sunt fugiant in montes. Et qui super tectum: ne descendat in domum: nec introeat ut tollat quid de domo sua. Et qui in agro erit: non revertetur retro tollere vestimentum suum. Ve autem pregnantibus et nutrientibus in illis diebus. Orate vero: ut hyeme non fiant. Erunt enim dies illi tribulationis tales: quales non fuerunt ab initio creature: quam condidit Deus usque nunc: neque fient. Et nisi breviasset Dominus (0132C)dies: non fuisset salva omnis caro. Sed propter electos quos elegit: breviavit dies. Et tunc si quis vobis dixerit: ecce hic est Christus: ecce illic: ne credideritis. Exurgent enim pseudochristi: et pseudoprophete: et dabunt signa et portenta ad seducendos si potest fieri: etiam electos. Vos ergo videte. Ecce predixi vobis omnia. Sed in illis diebus post tribulationem illam: Sol contenebrabitur, et luna non dabit splendorem suum. Et stelle celi erunt decidentes: et virtutes que sunt in celis movebuntur. Et tunc videbunt filium hominis venientem in nubibus cum virtute multa et gloria. Et tunc mittet angelos suos: et congregabit electos suos a quatuor ventis a summo terre: usque ad summum celi. A ficu autem discite parabolam. Cum jam ramus ejus tener fuerit: et nata fuerint folia: (0132D)cognoscetis quia in proximo sit estas. Sic et vos: cum videritis hec fieri; scitote quod in proximo sit in ostiis. Amen dico vobis: quoniam non transiet generatio hec: donec omnia ista fiant. Celum et terra transibunt: verba autem mea non transibunt. De die autem illa vel hora. Nemo scit: neque Angeli in celo: (0133A)neque filius hominis: nisi pater. Videte: vigilate et orate. Nescitis enim quando tempus sit. Qui habet aures audiendi audiat.
R\. Amen.
Dicat Chorus. Lauda. Allelluja.
V\. Qui regis Israel intende qui deducis Joseph velut ovem. P. Alleluja.
Dicat Presb. Adjuvate me fratres in orationibus vestris. ut supra fol. 8.
Dicat Chorus.
Sacrificium. Ecce ostendit mihi Angelus Jesum Sacerdotem magnum stantem ante faciem Domini: et Angelus Domini loquebatur ad eum dicens: tu conservabis populum tuum et custodies eum. Usque in eternum Alleluja Alleluja.
(0133B)V\. Locutus est Angelus Zacharie dicens. Revertar ad Hierusalem in misericordia: et domus mea restaurabitur: et affluent civitates mee bonis: et multiplicabo populum meum et salvabo eum. P. Usque in eternum.
Missa. Dicat Presb. Dominus sit semper vobiscum.
R\. Et cum spiritu.
Oratio. Adventum Domini et Redemptoris nostri: quem ab antiquis Patribus Patriarchis scilicet et Prophetis: vaticinantibus olim pronunciatum: ac pro salute nostra dudum constat impletum: omni quidem nos tempore condecet charissimi fratres cum gaudio merare: sed precipue in his diebus annua vice recurrentibus: oportet nos votis solemnibus celebrare. Nam quia diem illum celeberrimum in quo pro nobis (0133C)est de Virgine natus: jam jamque revoluti anni circulo appropinquare sentimus: dignum est ut adventum ejus qui in eo natus est: mente devotissima recolentes; nunc jam festa solemnia alacres solemniter agamus.
R\. Amen.
Dicat Presb. Per misericordiam tuam Deus noster etc. ut supra.
Alia. Deus qui Unigenitum tuum pro nobis in 15 carne venturum: ac de Virgine nasciturum propheticis vocibus promisisti: et in novissimis temporibus que promiseras adimplesti: presta quesumus: ut qui eum jam venisse mundumque redemisse credimus: fatemur: et predicamus: rursumque venturum ad (0133D)judicium speramus: ejus praesentiam cum venerit sine confusione cernamus.
R\. Amen.
Post nomina. Sanctorum tuorum Domine communicantes memorie Patriarcharum, Prophetarumque tuorum non sumus immemores: ipsis enim renunciantibus: (0134A)adventus tuus claruit mundo. Memoramus etiam Apostolos tuos: qui adventum tuum a Prophetis, Patriarchisque predicatum: oculis suis cernere meruerunt. Facimus quoque et tuorum Martyrum mentionem: qui te Dominum redemptionem jam venisse confessi: ad mortem usque sunt certati pro veritate. Fidelium preterea tuorum in hac adhuc peregrinatione degentium nomina recensemus: protestantes: ut eorum vite cursum et perfectionem consummes: quos Sanctos tuos apud te in celesti habitaculo cautos perfectosque jam retines. Non obliviscimur quoque defunctos nature nostre ac fidei socios. Sed precamur te Dominum amplissime pietatis: ut eis refrigeria tribuas sempiterne quietis.
R\. Amen.
(0134B)Dicat Presb. Quia tu es vita vivorum, etc.
Ad pacem. Christe Domine in cujus adventum pax est reddita terris: pax collata hominibus bone voluntatis: concede quesumus ut per primum adventum ad nos in humanitate veniens: et mundum tibi in pace reconciliare dignatus es: reconciliatos per te in tua pace prestes jugiter permanere: quatenus in secundo adventu tuo dum in majestate et gloria veneris facias heredes pacis eterne: et quos hic tue pacis depositum feceris: inviolabiliter facias custodire.
R\. Amen.
Dicat Presb. Quia tu es vera pax nostra totum cum gratia Dei Patris. ut supra in prima Missa. Totum cum Introibo ad Altare Dei mei. ut supra dictum (0134C)est fol. 4.
Inlatio. Dignum et justum est: vere et nobis per omnia expedibile: tuam nos clementiam Omnipotens Pater: quibus possumus semper laudibus predicare: qui bonitate nos ingenuitateque condidisti: ac serpentis antiqui fraude decepti: gratuita miseratione a morte velis eripere: qui filium tuum quem pro nobis in carne missurus eras: ad terras venturum nasciturumque de Virgine longe antea predixisti: ejus nativitatis adventum pretonantibus Sanctis prenunciasti: ut expectatus diu qui fuerat repromissus: magnum mundo faceret gaudium in plenitudine temporum presentatus. Unde petimus et rogamus: ut qui plasma tuum: sicut vere pius: et misericors (0134D)perire non passus es: sed per humilem adventum filii tui Domini nostri: quod perierat revocasti: quod jam inventum et reparatum: ac revocatum est: sic protegas: sic custodias: sic sanes: sic defendas: sic liberes. Ut in illo adventu terribili quo iterato illos venturus est judicare: a quibus et pro quibus (0135A)est judicatus: tales inveniat quos redemit: ut in eternum possideat quos precio sui sanguinis acquisivit: ut cum ignifluis affectibus redemptorum: tecum et Sancto Spiritu sine fine laudetur parili concentu: cum Angelis et Archangelis laudantibus atque ita dicentibus. Dicat Chorus. Sanctus. Sanctus. Sanctus, etc.
Dicat Presbyter.
Post Sanctus. Oratio. Vere sanctus: vere benedictus qui venit in nomine Domini: Rex Israel. qui jam venit humilis: et adhuc venturus est in majestate terribilis. Qui jam venit ut judicaretur in mundo; et aduc venturus est ut judicet mundum. Qui jam venit ut redimeret a morte: quos ad vitam predestinavit: et adhuc venturus est: ut remuneret quos redemit: (0135B)ipse Dominus ac Redemptor eternus.
Deinde dicat Presbyter in silentio. Oratio. Adesto adesto Iesu bone pontifex. Ut supra fol. 5. Postea dicat orationem.
Post pridie. Facimus Domine Filii tui Domini nostri Jesu Christi commemorationem: quod veniens ad nos humanam formam assumpsit: quod pro hominibus quos creaverat redimendis 16 passionem Crucis perpessus est. Quod superaturus atque conculcaturus debitam mortem nostram: mortem ultra suscepit ipse indebitam: quod infernum ex parte expoliavit relinquendo impios: et sanctos qui ibidem tenebantur: resurgens secum in celestibus sublevando. Quod rediens ad celum viam nobis patefecit: per quam conscendamus in celum. Quod venturus sit (0135C)iterum ad judicium vivorum et mortuorum sceleratores et peccatores eterno supplicio damnaturos: suisque fidelibus sua precepta servantibus eternitatis sue gloriam collaturus. Per ipsum te ergo summe Pater exposcimus: ut hanc tue placationis hostiam: quam tibi offerimus; e manibus nostris placatus accipias: eamque de celis a sede placato vultu respiciens benedicas: ut quotquot ex hujus sumptu libaverimus: salubritatem ac remedium anime et corporis hauriamus. R\. Amen.
Et dicto memento pro vivis et perfecto simbolo dicat Presbyter orationem Dominicam equaliter.
Summe summe et omnipotens Deus Pater ingenitus: qui unigeniti tui in assumptione carnis: adventum reconciliationis nostre voluisti esse remedium: (0135D)ut cum eo gratiam reciperemus adoptionis. qui a te ante omnia secula sine initio ineffabiliter genitus: in natura deitatis tibi extat equalis. Ut efficeremur tui adoptivi filii: qui servi ex nostro merito eramus (0136A)indigni. Dignos quesumus nos effice tante dignitatis solemnitate: ut possimus ad te non immerito proclamare et dicere.
Dicat Presb. Pater Noster. Totum. Et postea dicat benedictionem. Humiliate vos. Benedictio.
Benedictio. Adveniat super vos placidus gratie superne respectus: et illustret vos Jesu Christi Domini nostri et Salvatoris adventus. R\. Amen.
Non recedat a cordibus vestris: qui nasci dignatus est ex utero Virginis matris.
R\. Amen.
Quatenus in vestro maneat pectore placidus: mansionem ibidem cum Patre et Spiritu Sancto perpetim habiturus. R\. Amen.
Dicat Presb. Per misericordiam ipsius Dei nostri, (0136B)qui est benedictus et vivit et omnia regit in secula seculorum.
R\. Amen.
Dicat Presb. Dominus sit semper vobiscum. R\. Et cum.
Dicat Chorus. Gustate et videte. Et Refecti Christi corpore. Et oratio ut supra in primo Dominico fol. 7.
IN QUINTO DOMINICO DE ADVENTU DOMINI. Ad Missam. Officium.
Super montem altissimum. Require in secundo Dominico de Adventu Domini fol. 7.
Lectio libri Esaye Prophete ( Cap. XVI).
R\. Deo gratias.
Emitte agnum dominatorem terre: de petra deserti ad montem filie Syon. Et erit sicut avis fugiens: (0136C)et pulli de nido advolantes. Sic erant filie Moab in transgressu Arnon: ini consilium: coge concilium. Pone quasi noctem umbram tuam in meridie. Absconde fugientes et vagos ne prodas: habitabunt apud te profugii mei. Moab esto latibulum eorum: a facie vastatoris. Finitus est enim pulvis: consummatus est miser: defecit qui conculcabat terram. Et preparabitur in misericordia solium: et sedebit super eam in veritate: in tabernaculo David. Judicans et querens judicium; et velociter reddens quod justum est. R\. Amen.
Dicat Presb. Dominus sit semper vobiscum. R\. Et cum spiritu.
Dicat Chorus Lauda. Ut inhabitet gloria in terra nostra: misericordia et veritas occurrerunt sibi: justicia (0136D)et pax complexerunt se. V\. Veritas de terra orta est. Et justicia de celo prospexit: etenim Dominus dabit benedictionem: et terra nostra dabit fructum suum. P. Justicia.
(0137A)Dicat Presb. Silentium facite.
Sequentia Epistole Pauli Apostoli ad Thessalonicenses ( I. Cap. V).
R\. Deo gratias.
Fratres: rogamus vos: corripite inquietos. Consolamini pusillanimes: suscipite infirmos. Patientes estote ad omnes. Videte ne quis malum pro malo alicui reddat. Sed semper quod bonum est sectamini invicem: et in omnes: semper gaudete. Sine intermissione orate. In omnibus gratias agite. Hec enim voluntas Dei est in Christo Jesu in omnibus nobis spiritum nolite extinguere: prophetiam nolite spernere. Omnia autem probate: et quod bonum est retinete. Ab omni specie mala abstinete vos. Ipse autem Deus pacis sanctificet vos per omnia: 17 integer (0137B)spiritus vester: anima et corpus sine querela in adventu Domini nostri Jesu Christi servetur. R\. Amen.
Dicat Presb. Dominus sit semper vobiscum. R\. Et cum spiritu.
Lectio Sancti Evangelii secundum Lucam ( Cap. XVII).
Illo in tempore. Dominus noster Jesus Christus interrogatus a Phariseis: quando venit Regnum Dei? Respondit eis et dixit. Non veniet Regnum Dei cum observatione: nec dicent: ecce hic: aut ecce illic. Ecce enim Regnum Dei intra vos est. Et ait ad discipulos suos. Venient dies: quando desideretis videre unum diem filii hominis: et non videbitis. Et dicent vobis. Ecce hic et ecce illic. Nolite ire: (0137C)neque sectemini. Nam sicut fulgur corruscans de sub celo: in ea que sub celo sunt fulget: ita erit filius hominis in die sua. R\. Amen.
Dicat Presb. Dominus sit semper vobiscum. R\. Et cum.
Cantet chorus Lauda. alleluja Alleluja. R\. Respice Domine de celo: et vide et visita vineam istam. P. Alleluja.
Dicat Presb. Adjuvate me fratres in orationibus vestris. fol. 3.
Cantet chorus Sacrificium. Aparebit tibi Dominus qui in charitate perpetua dilexit te virgo Israel alleluja. V\. Dominus Deus tuus adduxit te ad misericordiam et miserationem: adhuc edificaberis et edificabis. P. Virgo Israel alleluja.
(0137D)Missa. Hilarescite queso dilectissimi fratres: et letabunda sursum attollite corda; quia jam in proximo est redemptio vestra: parate illi viam in cordibus vestris: ut eo veniente: remuneremini donariis sempiternis. R\. Amen.
Dicat Presb. Per misericordiam. ut supra fol. 3. Dicat Presb. Oremus. Et chorus. R\. Agyos. et Presb. dicat Ecclesiam sanctam catholicam. Et chorus R\. Presta eterne omnipotens Deus.
(0138A)Et Presb. dicat aliam orationem.
In proximo quidem est Domine dies adventus tui: sed quesumus ut antequam venias: expiari mereamur ab omni contagione delicti. Prius dilue rogamus in nobis omne quod in illa futura examinatione puniturus es: ut cum justus adveneris judex: non in nobis invenias quod condemnes. R\. Amen.
Dicat Presb. Per misericordiam tuam Deus noster in cujus conspectu. Ista et alia que sequuntur usque ad orationem que dicitur post nomina.
Dicat Presb.
Post nomina. Te quesumus Jesu Domine Deus noster: ut nos qui fideliter prestolamur adventum tuum: non incurramus supplicium sempiternum, quo adventu tuo et offerentibus venia: et defunctis requies (0138B)condonetur eterna. R\. Amen. Dicat Presb. Quia tu es. Ut dictum est.
Dicat Presb.
Ad pacem. Pax tua Redemptor ac Deus noster: que te nascente olim proclamata est ab Angelis: habitet in mentibus nostris: quo ejus fulti presidiis: mereamur cum veneris tue contueri presentiam visionis. R\. Amen. Presb. dicat. Quia tu es vera pax. Et omnia alia usque inlatio.
Inlatio. Dignum et justum est. Nos tibi gratias agere: Domine sancte pater eterne omnipotens Deus: per Jesum Christum filium tuum Dominum nostrum. Cujus incarnatio salus facta est mundi: et passio extitit redemptio hominis procreati. Ipse igitur nos omnipotens pater quesumus perducat ad premium: (0138C)qui redemit de tenebris infernorum. Ipse carnem nostram a delectis emaculet: qui eam suscepit ex Virgine. Ipse nos lesos tue restituat majestati: qui nos tibi per sanguinem suum reconciliavit. Ipse nos secundi adventus examinatione justificet; qui in primo contulit donum gratie sue. Ipse ad judicandum veniat mitis; qui olim apparuit humilis. Ipse in judicium ostendatur nobis mitissimus, qui dudum venit occultus; cui merito omnes Angeli, et Arcangeli non cessant clamare quotidie ita dicentes. Dicat Chorus. Sanctus.
Dicat Presb.
Post Sanctus. Vere Sanctus et gloriosus Dominus noster Jesus Christus filius tuus. Qui nos et prioris adventus sui gratia reparavit: et in secundo daturum (0138D)se nobis regnum cum sanctis Angelis repromisit. ipse Dominus ac Redemptor eternus.
Dicat Presb. Adesto adesto. ut supra. Postea dicat.
Post pridie. Veni Domine relaxa facinora nostra, et hec oblata tibi pro ipsis facinoribus benedicenda assume libamina. Ut horum perceptione expiemur a crimine: et tui adventus gloriam 18 mereamur interriti prestolare. R\. Amen.
Dicat Presb. Te prestante. et Dominus sit semper (0139A)vobiscum. Et postea tenendo corpus Domini super calicem dicat alta voce. Fidem quam corde credimus. Dicat Chorus. Credimus in unum Deum totum. Et tunc faciat illas particulas: ut supra dictum est in prima Missa. Et Presb. faciat Memento pro vivis. Et perfecto simbolo dicat Presb. ad Dominicam equaliter.
Oratio. Venisse te Domine pro nostra in terris salute credimus: venturum te quoque ad judicium sustinemus: et ideo cum fiducia que docuisti: proclamamus e terris. Pater noster. Ut supra. Post Orationem Dominicam dicat Presb. Liberati a malo. Post dicat benedictionem. Humiliate vos benedictioni. Dominus sit semper vobiscum. R\. Et cum.
Benedictio. Adventus sui vos Dominus illustratione sanctificet. R\. Amen. Vincula vestra dissolvat antequam (0139B)veniat. R\. Amen. Ut liberati a vinculis peccatorum: interriti expectetis ejus adventum. R\. Amen. Per misericordiam ipsius Dei nostri: qui vivit et omnia regit in secula seculorum. R\. Amen. Dicat Presb. Dominus sit semper vobiscum. Et tunc dicat Chorus. Gustate et videte. Et hic faciat Memento pro mortuis. et post Memento dicat illas orationes que dicte sunt in I, Missa. Et sumat corpus et sanguinem: et hoc facto dicat Presb. orationes ut in prima Missa. Et in fine orationis dicat. Per misericordiam tuam Deus noster qui es benedictus; et vivis et omnia regis in secula seculorum. R\. Amen. Dominus sit semper vobiscum. R\. Et cum. Solennia completa sunt in nomine Domini nostri Jesu Christi: votum nostrum sit acceptum cum pace.
(0139C)R\. Chorus. Deo gratias.
IN SEXTO DOMINICO DE ADVENTU DOMINI. Officium.
Sanctus Dominus Deus omnipotens. Qui erat et est et venturus est alleluja alleluja. V\. Deus manifeste veniet: Deus noster et non silebit. P. Qui erat. V\. Gloria et honor Patri et Filio et Spiritui Sancto in secula seculorum amen. P. Qui erat.
Oratio. Deus qui per Angelicos Choros. fol. 1.
Lectio libri Esaye prophete ( Cap. XXXV).
R\. Deo gratias.
Hec dicit Dominus. Letabitur deserta et invia: et exultabit solitudo: et florebit quasi lilium. Germinans germinabit: et exultabit letabunda et laudans. (0139D)Gloria Libani data est ei: decor Carmeli et Saron. (0140A)Ipsi videbunt gloriam Domini: et decorem Dei nostri. Confortate manus dissolutas: et genua debilia roborate. Dicite pusillanimes confortamini: et nolite timere. Ecce Deus noster ultionem adducet retributionis: Deus ipse veniet et salvabit nos. Tunc aperientur oculi cecorum: et aures surdorum patebunt. Tunc saliet sicut cervus claudus: et aperta erit lingua mutorum. Quia scisse sunt in deserto aque: et torrentes in solitudine. Et que erat arida in stagnum: et sitiens in fontes aquarum. In cubilibus in quibus prius dracones habitabant: orietur viror calami et junci: et erit ibi semita: et via sancta vocabitur. Non transibit per eam pollutus: et hec erit vobis directa via: ita et stulti non errent per eam. Non erit ibi leo: et mala bestia non ascendet (0140B)per eam: nec invenietur ibi. Et ambulabunt qui liberati fuerint et redempti a Domino. Convertentur et venient: et laudabunt Dominum in Sion cum laude: et letitia sempiterna super caput eorum. Gaudium et leticiam obtinebunt. Et fugiet dolor et gemitus. R\. Amen.
Dicat Presb. Dominus sit semper vobiscum. R\. Et cum.
Psallendo. Suscipiant Domine montes et colles populo tuo pacem justitiam: judicabit egenos populo. Ut salves filios pauperum. V\. Deus judicium tuum dona Regi: et justitiam tuam filio Regis: ut judicet populum tuum cum justicia et pauperes tuos in judicio. P. Ut salves filios.
Dicat Presb. Silentium facite.
(0140C)Sequentia Epistole Pauli Apostoli ad Thessalonicenses ( II. Cap. II).
R\. Deo gratias.
Fratres rogamus vos per ad' ventum Domini nostri Jesu Christi et nostre congregationis in ipsum; ut non cito moveamini a vestro sensu: neque terreamini. Neque per spiritum: neque per sermonem: neque per epistolam: tanquam per nos missam: quasi instet dies Domini. Ne quis vos seducat ullo modo. Quoniam nisi venerit discessio primum: et revelatus fuerit homo peccati 19 filius perditionis. qui adversatur et extollitur supra omne quod dicitur Deus: aut quod colitur: ita ut in templo Dei sedeat: ostendens se tanquam sit Deus. Non retinetis quod cum essemus apud vos: hec dicebam vobis? Et nunc (0140D)quid detineat scitis: ut reveletur in suo tempore. (0141A)Nam ministerium jam operatur iniquitatis tantum: ut qui tenet: nunc teneat: donec de medio fiat. Et tunc revelabitur ille iniquus quem Dominus Jesus interficiet spiritu oris sui: et destruet illustratione adventus sui eum: cujus est adventus secundum operationem Sathane. In omni virtute: signis et prodigiis mendacibus: et in omni seductione iniquitatis: his qui pereunt: eo quia charitatem veritatis non receperunt ut salvi fierent. Ideo mittet illos Deus in operationem erroris: ut credant mendatio: ut judicentur omnes qui non crediderunt veritati: sed consenserunt iniquitati. Nos autem debemus gratias agere Deo semper pro vobis fratres dilecti a Deo: quod elegerit nos Deus primitias in salutem: in sanctificationem spiritus: et fidem veritatis. In qua (0141B)et vocavit nos per Evangelium nostrum: in acquisitionem gloriae Domini nostri Jesu Christi.
R\. Amen.
Dicat Presb. Dominus sit semper vobiscum. R\. Et cum.
Principium Sancti Evangelii secundum Marcum. ( Cap. I).
Initium Sancti Evangelii Jesu Christi filii Dei: sicut scriptum est in Esaya propheta. Ecce mitto Angelum meum ante faciem tuam: qui preparabit viam tuam ante te. Vox clamantis in deserto parate viam Domino: rectas facite semitas ejus. Fuit Johannes in deserto baptizans: et predicans baptismum penitentie in remissionem peccatorum. Et egrediebatur ad illum omnis Judee regio: et Hierosolimite universi: (0141C)et baptizabantur ab illo in Jordanis flumine: confitentes peccata sua. Et erat Johannes vestitus pillis cameli: et zona pellicia circa lumbos ejus. Et locustas et mel silvestre edebat: et predicabat dicens. Venit fortior me post me: cujus non sum dignus procumbens solvere corrigiam calciamentorum ejus. Ego baptizo vos in aqua: ille vero baptizabit vos in Spiritu Sancto.
R\. Amen.
Dicat Presb. in medium Altaris. Dominus sit semper vobiscum. R\. Et cum spiritu.
Dicat Chorus Lauda. Alleluja. V\. Venite exultemus in Domino jubilemus Deo salvatori nostro alleluja.
(0142A)Dicat Presb. Adjuvate me fratres etc. R\. Adjuvet te pater. Dicat Chorus.
Sacrificium. Prope est dies Domini: quia preparabit Dominus sacrificium: sanctificabit vocatos suos alleluja. V\. Lauda filia Syon: jubila tu Israel: letare et exulta filia Jerusalem: abstulit Dominus judicium tuum: avertit inimicos tuos Rex Israel Dominus: in medio tui sanctificare. Dicat Presb.
Missa. Solennia tui adventus mysteria celebrantes: tibi Christe Domine supplices fundimus preces: ut nos primitivi adventus incarnatione redemptos: in secunda tua apparitione glorifices coronandos.
R\. Amen.
Alia Oratio. Sincera nos quesumus Domine tue incarnationis semper fide corrobora: ut in tua dilectione (0142B)firmatos nunquam nos expugnare valeat callidus inimicus.
R\. Amen.
Post nomina. Oratio. Omnipotens sempiterne Deus: fidelium lumen: rector animarum: qui nos verbi tui incarnatione preparatum materie Virginis consecras. Veniat quesumus super nos virtus Spiritus tui Sancti: et misericordia Altissimi obumbret nos.
R\. Amen.
Ad pacem. Oratio. Charitatis tue Domine in nos distribue unitatem: et una perpetim dilectionis copula jungat: quod unius fidei sacramenta locupletant. Amen.
Inlatio. Dignum et justum est: vere equum et salutare est: nos te Deum nostrum ac Dominum collaudare: (0142C)qui pietatis tue magnitudinem a nostre humilitatis inopia distulisti: sed errorum nostrorum miseratus piacula: unigenitum tuum ob nostre infirmitatis redemptionem misisti. Qui nobis vite eterne januam patefaceret: et omnes pravi seductoris a nostris mentibus dominatum excluderet: nosque sue opitulationis advocatione tibi Deo nostro per sancti operis exercicia reconciliaret. Cui merito 20 omnes Angeli et Archangeli non cessant clamare quotidie una voce dicentes. Chorus. Sanctus.
Post Sanctus. Veram tue Trinitatis omnipotentiam Domine concinentes: tui semper nominis confessione locupleta: ut quod tibi Cherubin ac Seraphin incessabiliter (0143A)jubilant: Spiritus Sanctus nos igne perflagrans: hec incorrupte mentis statuta nos tibi jubeas concinere. Quia tu es Dominus ac Redemptor eternus.
Post pridie. Preceptorum tuorum Domine mysteria recolentes: oblationis hujus libamina sanctificare digneris: ut tue gratie sanctificatione respersa: abluat sumentium cordibus omne delictum. R\. Amen.
Ad Orationem Dominicam.
Oremus. Exurge Domine et prevale in virtute tua: et ad nostram defensionem excita potentiam tuam. Respice propicius nostri cordis presumptionem: et ex presentium calamitatum angustiis paternam nobis exhibe pietatem.
(0143B)Pater noster. Dicat Presb. Humiliate vos benedictioni.
Benedictio. Domine Jesu Christe qui discipulis tuis tuum spiritum tribuisti: Ecclesie tue Catholice ipsius muneris dona largire. R\. Amen. Ut quicunque ex aqua et Spiritu Sancto renati sunt: te semper induant ejus protectione muniti. R\. Amen. Redundet in eis charitas diffusa per Spiritum Sanctum: qui operiat ac superet multitudinem peccatorum. R\. Amen.
Dicat Presb. Per misericordiam tuam etc.