Gallia Christiana 1715 01/Instrumenta/Lactorensis
I.
Willelmi Auxitani archiepiſcopi & Raimundi Lactorenſis epiſcopi eccleſias S. Genii, & ſancti Clari Cluniaco concedentium.1074.
Ex chartar. Moïſiac. & ſchedis Colbertinis. QUoniam inter alia quæ humano generi ad auxilium divina providentia clementer providit, ſanctorum etiam patrocinia miſericorditer conceſſit, ſcilicet ut pro ſibi famulantibus non infimum apud ſe intercedendi locum ipſi obtineant. Quapropter ego Willelmus Dei gratia Auxienſis archiepiſcopus, necnon & ego Raimundus Lacturenſis epiſcopus, una cum Odone vicecomite & nepote Viviano, donamus Deo & ſanctis apoſtolis ejus, Petro & Paulo ad locum Cluniacum, in manu domni Hugonis ejuſdem Cluniacenſis loci venerabilis abbatis, locum de S. Genio cum omnibus appenditiis ſuis libero jure & quieto, ſcilicet ut iſdem domnus Hugo abbas ſeu omnes poſt eum ipſius ſucceſſores locum ipſum, ſicut jam dictum eſt, cum omnibus appenditiis ſuis jure perpetuo teneant & poſſideant. Hoc autem, ut ſuperius præfati ſumus, ideo facimus, quatenus ab ipſo S. Genio apud Deum pro hoc opere in ultimo judicio aliquam miſericordiæ partem mereamur percipere. Nam cum locus ipſe S. Genii monachorum prius cœnobium fuerit, ad hoc ſæcularitate creſcente tam pridie devenerat, ut ipſius neceſſitate victus cogente, derelictus potius videretur quam deſtructus. Præterea concedimus etiam, & donamus eidem domno abbati Hugoni ad locum Cluniacum, locum ſimiliter de S. Claro, ut ſicut jam ſupra prælibavimus de ſancto Genio, ab ipſo, & ejuſdem ſucceſſoribus omnibus deinceps quieto jure, eodem modo teneatur & poſſideatur. Facta eſt aurem hæc charta anno incarnationis Dominicæ milleſimo octuageſimo quarto[1], indictione xii. regnante Philippo rege Francorum, imperante autem domino noſtro Jeſu-Chriſto, cujus regnum eſt in ſæcula ſæculorum. S. Raimundi Guillelmi, S. Bernardi Einrici, S. Hugonis, S. Odonis, S. Unaldi abbatis S. Viviani.
II.
Pacta inter Eduardum Angliæ regem, & Geraldum epiſcopum Lactorenſem, de dominio & juribus Lactorenſis urbis.1273. NOtum ſit univerſis præſentes litteras inſpecturis, quod reverendus pater. G. Dei gratia Lactorenſis epiſcopus, habito diligenti tractatu cum ſuo capitulo Lactorenſi, conſiderans maximam & evidentem utilitatem eccleſiæ ſuæ, permutavit, & nomine permutationis tradidit cum conſenſu & expreſſa voluntate dicti capituli ſui, pro ſe & ſucceſſoribus ſuis illuſtri dom. Eduardo Dei gratia regi Angliæ, domino Hiberniæ, & duci Aquitaniæ, pro ſe & ſucceſſoribus ſuis, medietatem totius dominii, juſtitiatus, juriſdictionis altæ & baſſæ quam habet & tenet, & habere & tenere debet in civitate, & ſuburbio Lactorenſi, cum commiſſis, ſeu incurramentis, exercitibus, cavalcatis, pedagiis, leudis, vadiis ſeu pœnis, nundinis, mercatis, macellis, furno, & aliis juribus & deveriis, ad dictam medietatem pertinentibus quocumque nomine cenſeantur, nundina diei Lunæ in ... carnio dumtaxat excepta. Necnon medietatem illius partis quam habet, & tenet in molendino de Rapaſſac cum pertinentiis ſuis, pro centum libris rendalibus monetæ uſualis Burdegalenſis, quas centum libras idem dominus rex pro ſe, hæredibus & ſucceſſoribus ſuis tenetur aſſignare eidem epiſcopo, pro ſe & ſucceſſoribus ſuis infra quadriennium continuum, & completum a data præſentium in epiſcopatu ſuo, vel in diœceſi Agennenſi citra Garomnam ad arbitrium bonorum virorum. Pro quibus centum libris aſſignavit & tradidit in præſenti idem dominus rex dicto epiſcopo tres pogeſias, ſeu pictas, ſeu tres partes unius denarii Burdegalenſis pedagii, cum honore & pertinentiis ſuis : de illis tribus denariis & obolo quos habet in pedagio ſuo de Millano, per ipſum epiſcopum, & ſucceſſores ſuos cum ſuo honore, commiſſi, incurrementis & pertinentiis pacifice poſſidendas, quouſque prædictæ centum libræ ut prædictum eſt, ſint allignatæ, & extunc dictus dominus rex conſtituit ſe nomine dicti domini epiſcopi tres pogeſias poſſidere, &c. Et ſciendum quod idem epiſcopus nomine ſuo & eccleſiæ ſuæ, & ſucceſſorum, dedit, donavit & ceſſit ex cauſa permutationis prædicto regi, heredibus & ſucceſſoribus ſuis, omne jus, & omnem actionem realem, perſonalem & mixtam, quam idem epiſcopus nomine ſuo & ecclesiæ ſuæ habebat, & habere debebat contra quoſcumque ratione medietatis prædictæ. Et dictum dominum regem poſuit idem epiſcopus in poſſeſſionem omnium prædictorum, & dedit regi prædicto vel alii nomine ſuo, authoritatem & potentiam mittendi in poſſeſſionem omnium prædictorum, ac conſtituit idem epiſcopus ſe poſſidere nomine regis prædictam medietatem dominii, juſtitiatus & juriſdictionis, & pertinentiarum ipſarum, &c. Et dom. Lucas de Thaney miles, ſeneſcallus Vaſconiæ, vel qui pro tempore fuerit requiſitus per epiſcopum, vel ejus mandatum, tenetur jurare ſe integre ſervaturum permutationem dictam, & jura & libertates eccleſiæ Lactorenſis defenſare, &c. Actum in capitulo eccleſiæ Lactorensis v. die exitus Februarii anno Domini mcclxxiii. regnante Edwardo rege Angliæ, ſede Burdegalenſi vacante. P. Gondaumerio majore Burdegalenſi. Teſtes dominus Phom. de Clar. dominus Oto de Pardeilano ; dominus Oto de Leoman. Fortanerius de Caſanova milites. Petrus de Pomeriis archid. Leomanenſis, Jordanus archid. Lactorenſis, & alii canonici.
- ↑ Lege 1074. cui anno convenit indictio 12.