 I |
III  |
2. DE FRANCISCO CONDULMARO NEPOS PAPE dictus est et admodum iuvenis cardinalis creatus sibique cancellariatus officium advenit. Post cum Hungari instante Iuliano Teucros, qui in Grecia morabantur, aggredi vellent magnumque confecissent exercitum, is cum classe in Hellespontum missus est prohibiturus, ne Teucer magnus Omerat ex Asia posset in Europam copias transportare. Omerat autem suis laturus opem una cum magno exercitu traiecit sive quod alio in loco improviso legato transivit, sive quod magnas gentes parva classis impedire non potuit. Is adhuc ex Grecia non rediit.