1198-1216- SS Innocentius III - De miseria condicionis humane
Liber editus a Lothario, Diacono-Cardinali Sanctorum Sergii et Bachii, Qui Postea Innocencius Papa Tercius Appellatus Est.
PREFACIO
INCIPIT PROLOGUS
INCIPIT PRIMA PARS
[1] DE MISERIA HOMINIS
[2] DE VILITATE MATERIE
[3] DE VICIO CONCEPCIONIS
[4] QUALI CIBO CONCEPTUS NUTRIATUR IN UTERO
[5] DE INBECILLITATE INFANTIS
[6] DE DOLORE PARTUS ET EIULATU NASCENTIS
[7] DE NUDITATE
[8] QUEM FRUCTUM HOMO PRODUCIT
[9] DE INCOMMODIS SENECTUTIS
[10] DE LABORE MORTALIUM
[11] DE STUDIO SAPIENTUM
[12] DE VARIIS HOMINUM STUDIIS
[13] DE DIVERSIS ANXIETATIBUS
[14] DE MISERIA PAUPERIS ET DIVITIS
[15] DE MISERIA SERVORUM ET DOMINORUM
[16] DE MISERIA CONTINENTIS ET CONIUGATI
[17] DE MISERIA BONORUM ET MALORUM
[18] DE HOSTIBUS HOMINIS
[19] DE CARCERE ANIME
[20] DE BREVI LETICIA
[21] DE INOPINATO DOLORE
[22] DE VICINITATE MORTIS
[23] DE TERRORE SOMPNIORUM
[24] DE COMPASSIONE
[25] QUOD INNUMERE SUNT SPECIES EGRITUDINUM
[26] DE SUBITIS INFORTUNIIS
[27] DE DIVERSIS GENERIBUS TORMENTORUM
[28] DE QUODAM HORRENDO FACINORE
[29] DE PENA INNOCENTIS
INCIPIT SECUNDA PARS
[1]
[2] DE CUPIDITATE
[3] DE INIQUIS MUNERIBUS
[4] DE ACCEPCIONE PERSONARUM
[5] DE VENDICIONE IUSTICIE
[6] DE INSACIABILI DESIDERIO CUPIDORUM
[7] QUARE CUPIDUS SACIARI NON POTEST
[8] DE FALSO NOMINE DIVICIARUM
[9] EXEMPLA CONTRA CUPIDITATEM
[10] DE INIQUA POSSESSIONE DIVICIARUM
[11] DE LICITIS OPIBUS
[12] DE INCERTITUDINE DIVICIARUM
[13] DE SOLLICITUDINE CUPIDORUM
[14] DE AVARICIA
[15] QUOD AVARICIA DICATUR YDOLORUM SERVITUS
[16] DE QUIBUSDAM PROPRIETATIBUS AVARI
[17] DE GULA
[18] EXEMPLA CONTRA GULAM
[19] DE EBRIETATE
[20] EXEMPLA CONTRA EBRIETATEM
[21] DE LUXURIA
[22] DE GENERALITATE LUXURIE
[23] DE DIVERSIS SPECIEBUS LUXURIE
[24] DE COITU CONTRA NATURAM
[25] DE PENA HUIUS SCELERIS
[26] DE AMBICIOSO
[27] DE NIMIA CONCUPISCENCIA
[28] EXEMPLUM DE AMBICIOSO
[29] QUAM BREVIS ET MISERA VITA MAGNATUM
[30] DE DIVERSIS PROPRIETATIBUS SUPERBORUM
[31] DE SUPERBIA ET CASU LUCIFERI
[32] DE ARROGANCIA HOMINUM
[33] DE ABOMINACIONE SUPERBIE
[34] CONTRA ARROGANCIAM SUPERBORUM
[35] CONTRA FRAUDEM AMBICIOSORUM
[36] DE PROPRIETATIBUS ARROGANCIUM
[37] DE SUPERFLUO CULTU
[38] CONTRA SUPERFLUUM ORNATUM
[39] QUOD PLUS DEFERTUR VESTIBUS QUAM VIRTUTIBUS
[40] DE FUCACIONE COLORUM
[41] QUOD NEMO DE SE GLORIETUR
TERCIA PARS
[1] DE PUTREDINE CADAVERUM
[2] DE TRISTI MEMORIA DAMPNATORUM
[3] DE INUTILI PENITENCIA REPROBORUM
[4] DE INEFFABILI ANGUSTIA DAMPNATORUM
[5] DE IGNE GEHENNALI
[6] DE TENEBRIS INFERNALIBUS
[7] DE CONFUSIONE PENARUM
[8] DE INDEFICIENCIA TORMENTORUM
[9] QUOD REPROBI NUNQUAM LIBERABUNTUR A PENA
[10] TESTIMONIA DE SUPPLICIIS ETERNALIBUS
[11] DE DIE IUDICII
[12] DE PRECEDENTE TRIBULACIONE
[13] QUOMODO VENIET IUDICATURUS
[14] DE POTENCIA, SAPIENCIA, ET IUSTICIA IUDICIS
[15] DE DIVINO IUDICIO
[16] QUOD NICHIL PRODERIT DAMPNANDIS
1.
PROLOGUS
(1) Domino patri karissimo P(etro), Dei gratia Portuensi et
sancte Rufine ecclesie episcopo, Lotharius, indignus diaconus
cardinalis sanctorum Sergi et Bachi, gratiam in presenti
et gloriam in futuro.
(2) Modicum otii, quod inter multas angustias nuper ea,
quam nosti, occasione captavi, non ex toto michi preteriit
otiosum, sed ad deprimendam superbiam, que caput est
omnium vitiorum, vilitatem humane conditionis utcumque
descripsi. Titulum autem presentis opusculi vestro nomini
dedicavi, rogans et postulans ut si quid in eo vestra
discretio dignum invenerit divine gratie totum ascribat. Si
vero paternitas vestra suggesserit, dignitatem humane nature
Christo favente describam, quatinus ita per hoc humilietur
elatus ut per illud humilis exaltetur.