 III |
V  |
Hic est agricola. Agricola in Americā habitat; nōn in īnsulā habitat. America est patria agricolae. Agricola in agrō labōrat. Cornēlia est fīlia agricolae. Agricola fīliam parvam amat. Cornēlia agricolam amat. Hic puer est fīlius agricolae. Hic puer est frāter quoque Cornēliae. Sorōrem Cornēlia nōn habet.
Nunc hīc frāter Cornēliae nōn est. Cūr hīc nōn est? Haec est causa: quod agricola in agrō labōrat et fīlius agricolae in agrō labōrat. Fīlius in agrō labōrat quod terra est nova et fortūna agricolae nōn est bona.
Ubi est Cornēlia nunc? Nunc Cornēlia est in viā longā. Quid habet Cornēlia? Cornēlia epistulam habet. Cūr est Cornēlia in viā? Cornēlia epistulam habet et agricola epistulam cupit. Epistula nōn est mea epistula; nōn est tua epistula; est epistula agricolae. Nunc Cornēlia est in agrō. Agricola est laetus. Quis nunc epistulam habet? Agricola epistulam habet.
Nunc Cornēlia nōn est in casā. Quis est in casā? Māter Cornēliae est in casā. Māter cēnam parat. Nunc Cornēlia cēnam nōn parat quod puella parva est et in scholā est. Estne fāma scholae Cornēliae magna? Ita. Fāma scholae est magna. Intellegisne? Ita. Intellegō.
| III |
V |