 Colloquium VIII |
Colloquium X  |
Personae:
Beatus, Praeceptor.
B.
Licetne mihi exire una cum fratre?
P.
Quid causae est?
B.
Ut mater emat nobis calceos; deinde ut tonsorem adeamus.
P.
Quid eo?
B.
Resectum capillos.
P.
Quid nunc opus est?
B.
Ut cras (si Dominus permiserit) invisamus patruum.
P.
Ite, et mature redite ad studium. Sed, heus pueri! adferte mihi a matre testimonium in crastinum diem, aut testem adducite.
B.
Deo iuvante, id curabo diligenter. Nunquid aliud vis, praeceptor?
P.
Ut meis verbis matrem officiose salutetis.