 Colloquium IV |
Colloquium VI  |
Personae:
Canellus, Praeceptor.
C.
Praeceptor, quid reddemus cras mane?
P.
Hodie mane palam dixi ante e schola missionem.
C.
At ego non aderam, praeceptor.
P.
Roga condiscipulos. Nam si vellent singuli me interrogare de rebus a me palam dictis, quaeso, quando finis esset? Itaque fac sis posthac prudentior.
C.
Curabo pro viribus.
P.
Sed tu ubi eras?
C.
Prodieram.
P.
Quid prodieras?
C.
Ut curarem negotium aliquod, de quo pater ad me scripserat.
P.
A quo petivisti veniam?
C.
Ab hypodidascalo.
P.
Cur non a me potius?
C.
Quia eras occupatus.
P.
Quid agebam?
C.
Alloquebaris in area quosdam viros honoratos, qui te conventum venerant.
P.
Abi, nunc recordor.