 Colloquium XVII |
Colloquium XIX  |
Personae:
Caius, Praeceptor.
C.
Licetne prodire?
P.
Quo?
C.
Domum.
P.
Hem! tam saepe ire domum?
C.
Mater iusserat, ut ego et frater se adiremus hodie.
P.
Cuius rei gratia?
C.
Ut ancilla vestimenta nobis excuteret.
P.
Quid istud? Suntne vobis pediculi?
C.
Et multi quidem.
P.
Cur uxorem meam non admonuistis?
C.
Non ausi sumus.
P.
Quasi vero illa sit usque adeo difficilis. Ancillam habet ea potissimum gratia, ut vestram omnium curet munditiem: nec vos ignoratis illud; sed gaudetis matris invisendae occasionem vobis dari. Vos igitur manete; cras ego curabo, ut vobis excutiantur vestes.
C.
Sed mater nos obiurgabit.
P.
Egomet eam placabo; quiescite.