 Colloquium LX |
Colloquium LXII  |
Personae:
Nomenclator, Quidam puer ex turba, item Alius.
N.
Heus, pueri, heus, heus, heus!
Q.
Quid clamitas?
N.
Desistendum est a lusu.
Q.
Eho inepte, nondum quarta exacta est.
N.
Imo fere semihora post quartam.
Q.
Cur non dedisti signum?
N.
Quia tintinnabuli funis fractus est.
A.
Clama iterum; sed attolle vocem.
N.
Heus, pueri, recipite vos omnes.
A.
Festinate, festinate, inquam; urget praeceptor.
N.
Desine clamare, accurrunt omnes.