 Index |
Actus I  |
Didascalia recensere
INCIPIT TERENTI ADELPHOE : ACTA LVDIS FVNEBRIBVS L · AEMELIO PAVLO QVOS FECERE Q · FABIVS MAXVMVS P · CORNELIVS AFRICANVS : EGERE L · AMBIVIVS TVRPIO L · HATILIVS PRAENESTINVS : MODOS FECIT FLACCVS CLAVDI TIBIIS SARRANIS TOTA : GRAECA MENANDRV : FACTA VI M · CORNELIO CETHEGO L · ANICIO GALLO COS ·
C. Svlpici Apollinaris
Periocha
recensere
Duos cum haberet Demea adulescentulos,
dat Micioni fratri adoptandum Aeschinum,
sed Ctesiphonem retinet. hunc citharistriae
lepore captum sub duro ac tristi patre
5frater celabat Aeschinus; famam rei,
amorem in sese transferebat; denique
fidicinam lenoni eripit. vitiaverat
eidem Aeschinus civem Atticam pauperculam
fidemque dederat hanc sibi uxorem fore.
10Demea iurgare, graviter ferre; mox tamen
ut veritas patefactast, ducit Aeschinus
vitiatam, potitur Ctesipho citharistriam.
Personae recensere
| (Prologvs) | Sostrata Matrona | |
| Micio Senex | Canthara Anus | |
| Demea Senex | Geta Servos | |
| Sannio Leno | Hegio Senex | |
| Aeschinus Adulescens | Dromo Puer | |
| Bacchis Meretrix | Stephanio Pver | |
| Parmeno Servos | Pamphila Virgo | |
| Syrus Servos | (cantor) | |
| Ctesipho Adulescens |
Prologvs recensere
Postquam poeta sensit scripturam suam
ab iniquis observari, et advorsarios
rapere in peiorem partem quam acturi sumus,
indicio de se ipse erĭt, vos eritis iudices
5laudin an vitio duci factum oporteat.
Synapothnescontes Diphili comoediast:
e͡am Commorientis Plautu’ fecit fabulam.
in Graeca adulescens est qui lenoni eripit
meretricem in prima fabula: e͡um Plautus locum
10reliquit integrum, e͡um hic locum sumpsit sibi
in Adelphos, verbum de verbo expressum extulit.
e͡am nos acturi sumu’ novam: pernoscite
furtumne factum existumetis an locum
reprehensum qui praeteritu’ neglegentiast.
15nam quod ĭsti dicunt malevoli, homines nobilis
hunc adiutare adsidueque una scribere,
quod ĭlli maledictum vehemens esse existumant,
e͡am laudem hic ducit maxumam quom illis placet
qui vobis univorsis et populo placent,
20quorum opera in bello in otio in negotio
su͡o quisque tempore usust sine superbia.
de(h)inc ne exspectetis argumentum fabulae,
senes qui primi venient ĭ partem aperient,
in agendo partem ostendent. facite aequanimitas
25poetae ad scribendum augeat industriam.
| Index |
Actus I |