![]() |
48. The Attempt to surprise Detroit ![]() |
Ab hostibus trānsmarīnīs[1] quī ōlim bellum cum colōnīs Americānīs multōs annōs gessērunt, facinora atrōcia[2] facta esse dīcuntur[3] plūrima. Nam cuidam colōnō erant duo equī pulcherrimī, quōs ille maximā dīligentiā cūrābat; at imperātor hostium, quī hoc oppidum praesidiō tenēbat, quīque[4] erat omnibus oppidānīs[5] superbiā[6] maximē invīsus, illōs equōs quondam ad sē dūcī iussit, quod nūntium cum litterīs ad castra longinqua mittere vellet[7]. Sed ūnum ex equīs nēmō posteā vīdit, alterque paucīs post hōrīs in viā moribundus haud procul repertus est.
Praedam quoque ē villīs undique rapere solēbant hostēs; sed eōs quondam duo servī Āfrī callidē[8] ēlūsērunt; postquam enim mīlitēs appropinquāre nūntiātum est, hī servī fidēlēs, tabulā[9] abreptā, argentum dominī celeriter sub aedibus condidērunt. Ūnus autem ex eīs sub aedibus argentum vix ab alterō accēperat, cum subitō hostēs in cōnspectum vēnērunt. Itaque ille[10], quī suprā stābat, tabulam[11] statim dēmīsit[12], ne quid[13] hostēs suspicārentur; ac servus alter, quī nūllō modō ēvādere poterat, trīs diēs noctēsque sub aedibus dīcitur[14] sine aquā cibōve mānsisse.
- ↑ trānsmarīnīs: trānsmarīnus, -a, -um, from across the sea.
- ↑ atrōcia: atrōx, -ōcis, adj., dastardly.
- ↑ dīcuntur: note the pl. verb.
- ↑ quīque: i.e. quī + que.
- ↑ omnibus oppidānīs: dat. case; construe with invīsus.
- ↑ superbiā: abl. of cause.
- ↑ quod … vellet: on the ground that he wanted.
- ↑ callidē: adv., cleverly.
- ↑ tabulā: tabula, -ae, f., board.
- ↑ ille: the one.
- ↑ tabulam: cf. l. 18.
- ↑ dēmīsit: not dīmīsīt.
- ↑ quid: i.e. aliquid. After nē and sī, the short forms quis, quid, etc., are regularly used.
- ↑ dīcitur: cf. dīcuntur, p. 55, l. 7.