NOsse te velim, lector, nos sacræ Genesis historiæ de Turri Babylonicâ argumentum ob infinitam penè explicandarum rerum multitudinem et varietatem in tres tomos digessisse, quorum primus pariter in tres libros distinctus est. Primus et secundus continent solummodo Turris fabricam, aliarumque rerum à posteris Nembrod tum in Babylonia et Assyria, tum in Ægypto gestarum exegesim. In lbro vero tertio hujus primi tomi, quem Prodromum in Atlantem Polyglossum inscripsimus, per prælusiones quasdam προλεγομένας de prima linguarum origine, primævorumque idiomatum fontibus, eorumque ortu declinatione et interitu totali dicendum censuimus, uti sequitur.
Liber tertius
.jpg)
