1.
recensereSi quis refugium crismalis alicuius sancti aut refugium baculis aut cimbalis fregerit aliquomodo uel per rapinam predam abstraxerit, uel homini aliqua ratione nocuerit, septempliciter restituet et in dura penitentia in peregrinatione extranea per V annos permaneat. Et si laudabilis penitentia eius fuerit, postea ad solum patrium perueniat. Sin uero, in æxilio semper permaneat.
2.
recensereSi quis refugium euangelii fregerit uel per rapinam aliquid abstulerit, septempliciter restituet propter septiformem Christi gratiam et propter VII grados æcclesiasticos, sed et per VII annos in dura penitentia permaneat in peregrinatione. Si uero non egerit penitentiam, excommunicandus est ab omni ecclesia catholica et a communione Christianorum omnium nec sepultura illi in loco sancto tribuenda est.
3.
recensereSi quis tirannus (rex) aliquem iuxta episcopum ligauerit, sanum soluat et restituat et III alios uiros coæquales cum omni eorum substantia episcopo reddat et ipse solus usque ad X annos in duræ peregrinationis penitentia permaneat, et si contigerit ut eum uulnerauerit, VII uiros cum omni substantia episcopo reddat et ipse solus per spatium XX annorum in peregrinatione permaneat. Si uero eum mortificauerit, omnem suam hereditatem et omnem substantiam cum hereditatibus et substantiis comitum Deo reddat et ipse in peregrinatione perhenni uel humanius in XXX annorum peregrinatione absque carne et muliere et æquo in pane sicco uiuat et exiguo uestimento et per duas noctes in una mansione non maneat nisi tantum sollempnitatibus precipuis aut si infirmitas eum præoccupauerit. Et si inuitos comites habuerit, omnem substantiam eorum inter Deum et hominem diuidant et sic ipsi per spatium VII annorum in penitentia probabili permaneant.