Tranquillus Parthenius M. Vito Vuerlero viro doctissimo et integerrimo S. D.
Quid sentiam de Lipsensi Gymnasio, a quo summa benevolentia singularique honore tuis inprimis attestationibus exceptus sum, in Oratione quam nudius tertius habui de laudibus eloquentiae breviter significavi, diffusius oportuniore loco meam mentem declaraturus. Quam quidem orationem (tametsi doctas aures reformidat, quod obstrepentibus hinc inde rusticis exarata est) ad te mitto, quo nugas meas legendo quibus olim delectabare nostri memoriam revoces.
Vale. Ex Lipsia VIII Calen. Septembreis.
Fontes
recensere- Tranquillus Parthenius Andronicus, Oratio de laudibus eloquentiae, Leipzig: M. Lotter, 1518.
- Friderici Ritschelii Opuscula philologica, Teubner 1879, p. 86.