Migne Patrologia Latina Tomus 137
Electio S. Maioli in abbatem Cluniacensem
Electio S. Maioli in abbatem Cluniacensem (Aymardus Cluniacensis), J. P. Migne 137.0708A
Electio S. Maioli in abbatem Cluniacensem
137.0707A| Ordine divinae dispensationis cum primum sacris legibus a patriarchis et prophetis, tum etiam humanis 137.0707B| consulibus et regibus motus populorum comprimeretur, post tempore incarnati Verbi ignea rhomphaea in ostio paradisi fonte lateris Christi extincta, ut regnum Dei violentius raperetur, coepit status Ecclesiarum ab apostolicis viris piis moribus informari, et demum a sacris viris et abbatibus in subditorum mentibus regularis ordo disponi, ut per eam currentibus facilis coelestis patriae videretur ascensus. Sicque fit, ut quanto quis per exempla pietatis paterno cultu se ad excelsa erigens processerit, et subditis ad coelestia sequendi ducatum praebuerit, tanto a remuneratore Domino multiplex mercedis et filiationis fenus percipiet. Et quoniam ad praelatos respicit quidquid a subditis delinquitur, exemplum pravae vitae, et negligentiam subditorum, sententia 137.0707C| divini examinis ignis gehennae inexhaustus vindicat.
Quapropter ego Haymardus, sancti Petri Cluniacensis coenobii abbas indignus, praesentibus atque futuris omnibus generatim notum esse volo, quia haec et hujuscemodi mente pertractans, aetate defatigatus, officiis quoque corporis imminutus, dum minus me pastorali cura idoneum persentisco, beati Benedicti capitulatim [ f., capituli] de constituendo abbate sollicitudine praemonitus (Regulae cap. 64), cum omnibus fratribus meis, filiis et conservis, beati quidem Petri pridem clericum fratrem ac filium monachis Maiolum religiosum eligimus et abbatem esse decernimus, ne insolentia nostrae infirmitatis 137.0707D| ordo deterescat, et repulsam in aliquo patiatur, Domino propitio semper ad meliora provehendus, et ne technam alicujus excusationis praetendat (nam 137.0708A| sicut quis indigne ad regimen incautus aspirat, ita si quis dignus refugit, merito constringendus habetur), concilium episcoporum et abbatum adhibuimus. 137.0708B| Et sicut Cluniacense monasterium Domino auctore a Guillelmo duce fundatum, nomine principis apostolorum sacratum, privilegiis Romanae sedis insignitum, regalibus praeceptis confirmatum, a reverendis quoque abbatibus domno Bernone et Odone ordinatum constat, ita cum omnibus abbatiis, locis et cellis ubiubi eorum vel nostro tempore acquisitis, praedicto fratri ordinandum tradimus, atque tam ad ordinem servandum secundum beatum Benedictum, et instituta Patrum nostrorum, quam ad res disponendas, sub omni integritate, propitia divinitate, vinculis obedientiae astringimus et abbatem unanimiter omnes proclamamus.
Hujus vero electionis et ordinationis ejus seriem 137.0708C| per consultum, ut diximus, primatum comitis, et etiam nostri et advocati Leotoldi litteris sanciri praecipimus, atque regulariter celebratam ordinationem in Christi nomine confirmavimus, a Patribus et fratribus nostris scriptis confirmari precati sumus. Acta Cluniacensi coenobio feliciter. Amen.
Ego Haymardus abbas huic electioni assensum praebui.
Maguboldus sanctae Matiscensis Ecclesiae episcopus.
Childebodus peccator ipso jubente.
Eilbadus episcopus et monachus ipso jubente.
Rodulphus humilis abbas sancti Petri Cavillonensis.
Richardus humilis abbas.
137.0708D| Et centum triginta duo alii monachi cum eis subsignant.