XXI XXIII 

Commendo tibi, docte Thore Langi,
Quam scripsi modo disputationem.
Haec si digna tibi videtur esse,
Quam Madvigius, omnium magister,
Cenatus legat aut recens lavatus,
Cum cessant animi subinde motus
Mensque odit gravibus vacare curis, —
Hunc, inquam, nisi respuis libellum,
Per te moenia visat Hauniana,
Ut sit mnemosynum, licet pusillum.
Ex quo vivere me sciant sodales.