Migne Patrologia Latina Tomus 132
Statuta
Statuta (Walterius Senonensis), J. P. Migne 132.0720A
- I.
132.0717D|
Statuimus, ut abbates et priores conventuales, qui nec venerint [ videtur deesse ad synodum], nec se excusaverint, praetendendo canonicum impedimentum, per octo dies ab ingressu ecclesiae suspendantur, et poena, quantum ad hoc conciliis statuta est, sub comminatione majoris poenae, si aliis annis supra his culpabiles inveniantur [ videtur deesse, multentur].
II.
Propter scandala gravia quae ex monialium conversatione 132.0718D| proveniunt, statuimus de monialibus nigris, ne aliquem dispositum [ forte aliquod depositum] recipiant in domibus suis ab aliquibus personis, nisi de licentia episcopi sui: maxime arcas clericorum, vel laicorum, custodiae causa minime permittant apud se deponi.
III.
Item communiter omnes in refectorio comedant et in dormitorio dormiant, nisi ex causa justa e necessaria, de licentia speciali abbatissae aliter fier permittatur.
IV. 132.0719A|
Item camerae monialium omnes destruantur, nisi aliqua quae in susceptione episcopi necessario retineatur, vel ad infirmariam faciendam, vel alia de causa, quae episcopo justa et necessaria videatur.
V.
Item quod moniales nullatenus exire permittantur, vel extra pernoctare, nisi ex magna causa, et raro: et abbatissis injungatur, ne aliter egredi permittantur: et si aliquando abbatissa ex causa justa alicui permittat, eidem injungat, quod sine mora revertatur.
VI.
Ostia suspecta et superflua obstruantur. Circa hoc 132.0719B| autem episcopi diligentiam adhibeant et curam per se et per ministros suos; et vitas et conversationes ipsarum restringant: ut per eorum diligentiam scandala, quae in praesenti de vita earum proveniunt, sopiantur.
VII.
Statuimus, ut omnes judices, tam ordinarii quam delegati, temperent se et refrenent a generalibus excommunicationibus: nec in generali participantes excommunicent, nisi valde gravis et enormis excessus contingat.
VIII.
Moneantur capitula saecularium personarum, maxime 132.0719C| cathedralia, ut ipsi conveniant, et ordinent, et tractent, quod in ecclesiis suis die et nocte, per se et per clericos ecclesiarum, divinum servitium assidue, competenter, secundum numerum institutorum, et facultatem ecclesiarum celebretur, et circa servitium divinum diligentiam et curam adhibeant efficacem, ita quod modus habendi se in ecclesia, tam in choro quam extra, evidenter et sufficienter, ubi emendatione opus erit, emendetur infra annum.
IX. 132.0720A|
Moneantur etiam canonici et clerici saeculares, quod ipsi, in habitu suo et aliis, praecepta tradita in generali concilio fideliter et obedienter observent.
X.
Statuimus, ut in locis sive prioratibus, ubi conventualis congregatio solet esse, si facultates illius ecclesiae suppetant, conventus ibidem restauretur.
XI.
Item quod in domibus sive locis, ubi solebant esse prioratus, si facultates locorum sufficient, monachi vel canonici regulares ad divinum servitium ibidem celebrandum reducantur.
XII.
132.0720B| Monemus abbates et priores conventuales, quod tot servitores in abbatiis et prioratibus sibi subditis instituant, si ad hoc sufficiant facultates locorum, quot ibi deservire solent: et ne pensionem sive censum ab eisdem exigant, quem non solent exigere ab antiquo, nisi forte alicui ex juxta causa ab episcopo suo permittatur.
XIII.
Statuimus quod clerici ribaldi, maxime qui vulgo dicuntur de familia Goliae, per episcopos, archidiaconos, officiales, et decanos Christianitatis, tonderi praecipiantur, vel etiam radi, ita quod eis non remaneat tonsura clericalis: ita tamen quod sine periculo et scandalo ista fiant.
XIV. 132.0720C|
Item antiquum statutum concilii provincialis rursus renovantes praecipimus, quod quando aliqua terra, propter delictum domini terrae vel ballivorum, supposita fuit interdicto, nullatenus relaxetur, donec ad arbitrium et moderamen relaxantis, presbyteris parochialibus de damnis et de perditis interdicti occasione illatis plane fuerit satisfactum, vel de satisfaciendo cautum.