|PostNomen= Summa contra Gentiles Liber I Capita LXXXVI
}}
CAPUT
Quod divinae voluntatis potest ratio assignari
Contra Gentiles, lib. 1 cap. 86 n. 1
Colligere autem ex praedictis possumus quod divinae voluntatis ratio assignari potest.
Contra Gentiles, lib. 1 cap. 86 n. 2
Finis enim est ratio volendi ea quae sunt ad finem. Deus autem vult bonitatem suam tanquam finem, omnia autem alia vult tanquam ea quae sunt ad finem. Sua igitur bonitas est ratio quare vult alia quae sunt diversa ab ipso.