Quantum redactiones paginae "Pagina:T. Macci Plauti Comoediae, I.djvu/126" differant

<poem>testudineum istum tibi ego grandibo gradum.

{{sc|Sta.}}utinam me diui adaxint ad suspendium{{versus|50}}

potius quidem quam hoc pacto apud te seruiam.

{{sc|Evc.}}at ut scelesta sola secum murmurat !

oculos hercle ego istos, inproba, ecfodiam tibi,<ref>53 oculos ego tibi istos improbe (''i. e.'' -ae ?) ''codd. Nonii'' 360</ref>

ne me opseruare possis quid rerum geram.

apscede etiam nunc — etiam nunc — etiam — ohe,{{versus|55}}

istic astato. si hercle tu ex istoc loco<ref>56 astato ''Scioppius'' : atasto ''cod.''</ref>

digitum transuorsum aut unguem latum excesseris

aut si respexis, donicum ego te iussero,

continuo hercle ego te dedam discipulam cruci.

scelestiorem me hac anu certo scio<ref>60 certo ''Francken'' : certe ''cod.'', ''vix'' (''cum'' scio) ''Plautinum''</ref>{{versus|60}}

uidisse numquam, nimi’que ego hanc metuo male

ne mi ex insidiis uerba inprudenti duit

neu persentiscat aurum ubi est apsconditum,

quae in occipitio quoque habet oculos pessuma.

nunc ibo ut uisam, estne ita aurum ut condidi,<ref>65 sitne ''Pylades''</ref>{{versus|65}}

quod me sollicitat plurumis miserum modis. —

{{sc|Sta.}}noenum mecastor quid ego ero dicam meo

malae rei euenisse quamue insaniam

queo comminisci ; íta me miseram ad hunc modum

deciens die uno saepe extrudit aedibus.{{versus|70}}

nescio pol quaé illunc hominem intemperiae tenent :

peruigilat noctes totas, tum autem interdius

quasi claudus sutor dómi sedet totos dies.

neque iam quo pacto celem erilis filiae

probrum, propinqua partitudo quoi appetit,{{versus|75}}

queo comminisci ; neque quicquam meliust mihi,

ut opinor, quam ex me ut unam faciam litteram<ref>77 ''vel'' opino</ref>

†longum, laqueo† collum quando opstrinxero.<ref>78 <nowiki><I></nowiki> longum la. (?) ''Goetz'' : longam (''Scutarius'') <meum> la. ''Camerarius'': l. <mihi> la. ''Lambinus'' (''melius'' mi)</ref></poem>