Quantum redactiones paginae "Pagina:T. Macci Plauti Comoediae, I.djvu/32" differant

<poem>quiué quo placeret alter fecisset minus,<ref>84 ''vel'' quiu’ placerent ''cod.''</ref>

eius ornamenta et corium uti conciderent.{{versus|85}}

mirari nolim uos quapropter Iuppiter

nunc histriones curet; ne miremini:

ipse hanc acturust Iuppiter comoediam.

quid? admiratin estis? quasi uero nouom<ref>89 admirati ''cod.''</ref>

nunc proferatur Ióuem facere histrioniam;{{versus|90}}

etiam, histriones anno quom in proscaenio hic

Iouem inuocarunt, uenit, auxilio is fuit.

praeterea certo prodit in tragoedia.

hanc fabulam, inquam, hic Iuppiter hodie ipse aget

et ego una cum illo. nunc <uos> animum aduortite,<ref>95 uos ''add. Pylades'': hoc ''Pradel'': iam ''Mueller''</ref>{{versus|95}}

dum huius argumentum eloquar comoediae.<ref>96 huiusce arg. ''Bentley'': arg. huius ''Pylades'' eloquor (?) ''Seyffert'' (''Burs. Jahresber.'' 1890, p. 26)</ref>

Haec urbs est Thebae. in illisce habitat aedibus

Amphitruo, natus Argis ex Argo patre,<ref>98 ''de'' Argo ''cf. Usener'' (''Rhein. Mus.'' 53, 339)</ref>

quicum Alcumena est nupta, Electri filia.

is nunc Amphitruo praefectust legionibus,{{versus|100}}

nam cum Telobois bellum est Thebano poplo.<ref>101 b. est ''Pylades'': est b. ''cod.'' ''vix'' Teloboist</ref>

is priu’ quam hinc abiit ipsemet in exercitum,

grauidam Alcumenam fecit uxorem suam.<ref>103 fec. ux. ''Fruter'': ux. fec. ''cod.''</ref>

nam ego uos nouisse credo iam ut sit pater meus,<ref>104 meus pater ''Bothe, cui'' patĕr meús ''displicet''</ref>

quam liber harum rerum multarum siet{{versus|105}}

quantusque amator siet quod complacitum est semel.<ref>106 siĕt] sit ''edd. sine causa''</ref>

is amare occepit Alcumenam clam uirum

usuramque eiius corporis cepit sibi,<ref>108 coepit ''cod.'' (''cf. v.'' 1136), ''item codd. Nonii'' 231</ref>

et grauidam fecit is eam compressu suo.

nunc de Alcumena ut rem teneatis rectius,{{versus|110}}

utrimque est grauida, et ex uiro et ex summo Ioue.</poem>