Quantum redactiones paginae "Medicamina Faciei Femineae" differant
| [unchecked revision] | [unchecked revision] |
Content deleted Content added
ad Teubnerianam 1903 emendavimus. |
versuum numeros attulimus. |
||
Linea 62:
Candida quo possint ora nitere modo.
Hordea, quae Libyci ratibus misere coloni,
Exue de palea tegminibusque suis;{{versus|55}}
Par ervi mensura decem madefiat ab ovis,
Sed cumulent libras hordea nuda duas.
Haec ubi ventosas fuerint siccata per auras,
Lenta iube scabra frangat asella mola;
Et quae prima cadent vivaci cornua cervo,{{versus|60}}
Contere in haec (solidi sexta fac assis eat),
Iamque ubi pulvereae fuerint confusa farinae,
Protinus innumeris omnia cerne cavis;
Adice narcissi bis sex sine cortice bulbos,
Strenua quos puro marmore dextra terat,{{versus|65}}
Sextantemque trahat gummi cum semine Tusco;
Huc novies tanto plus tibi mellis eat:
Quaecumque afficiet tali medicamine vultum,
Fulgebit speculo levior ipsa suo.
Nec tu pallentes dubita torrere lupinos,{{versus|70}}
Et simul inflantis corpora frige fabae:
Utraque sex habeant aequo discrimine libras,
Utraque da nigris comminuenda molis;
Nec cerussa tibi nec nitri spuma rubentis
Desit et Illyrica quae venit iris humo;{{versus|75}}
Da validis iuvenum pariter subigenda lacertis;
Sed iustum tritis uncia pondus erit;
Addita de querulo volucrum medicamina nido
Ore fugant maculas (alcyonea vocant);
Pondere, si quaeris, quo sim contentus in illis:{{versus|80}}
Quod trahit in partes uncia secta duas;
Ut coeant apteque lini per corpore possint,
Adice de flavis Attica mella favis.
Quamvis tura deos irataque numina placent,
Non tamen accensis omnia danda focis:{{versus|85}}
Tus ubi miscueris radenti corpora nitro,
Ponderibus iustis fac sit utrumque triens;
Parte minus quarta direptum cortice gummi
Et modicum e murris pinguibus adde cubum;
Haec ubi contrieris, per densa foramina cerne;{{versus|90}}
Pulvis ab infuso melle premendus erit.
Profuit et marathros bene olentibus addere murris,
(Quinque parent marathri scripula, murra novem)
Arentisque rosae quantum manus una prehendat,
Cumque Ammoniaco mascula tura sale;{{versus|95}}
Hordea quem faciunt, illis affunde cremorem;
Aequent expensas cum sale tura rosas:
Tempore sis parvo mollis licet inlita vultus,
Haerebit toto nullus in ore color.
Vidi, quae gelida madefacta papavera lympha{{versus|100}}
Contereret teneris inlineretque genis.....
</poem>
| |||