Quantum redactiones paginae "Carmina (Horatius)/Liber I/Carmen III" differant
| [unchecked revision] | [unchecked revision] |
Content deleted Content added
+ formula titulus2 |
+ <poem> |
||
Linea 6:
|SubTitulus= I, III
}}
<div class=text>
<poem>
'''Carmen III'''
Sic te diva potens Cypri
sic fratres Helenae lucida sidera
ventorumque regat pater
obstrictis aliis praeter Iapyga
navis quae tibi creditum
debes Vergilium; finibus Atticis
reddas incolumem precor
et serves animae dimidium meae.
illi robur et aes triplex
circa pectus erat qui fragilem truci
conmisit pelago ratem
primus: nec timuit praecipitem Africum
decertantem Aquilonibus
nec tristis Hyadas nec rabiem Noti
quo non arbiter Hadriae
maior tollere seu ponere volt freta;
quem mortis timuit gradum
qui siccis oculis monstra natantia
qui vidit mare turgidum et
infamis scopulos Acroceraunia?
nequiquam deus abscidit
prudens oceano dissociabili
terras si tamen inpiae
non tangenda rates transiliunt vada.
audax omnia perpeti
gens humana ruit per vetitum nefas:
audax Iapeti genus
ignem fraude mala gentibus intulit;
post ignem aetheria domo
subductum macies et nova febrium
terris incubuit cohors
semotique prius tarda necessitas
Leti corripuit gradum;
expertus vacuom Daedalus aera
pennis non homini datis;
perrupit Acheronta Herculeus labor---
nil mortalibus ardui est:
caelum ipsum petimus stultitia neque
per nostrum patimur scelus
iracunda Iovem ponere fulmina.
</poem>
</div>
[[fr:Ode I.3 - Au vaisseau qui portait Virgile en Attique]]
| |||