Qui primus Dei gratia
saluante scripsit de uita
euangelistae lumine
concelebramus hodie.
Accensus igne Spiritus,
desiderauit animus
integra mente auditum
edere uerbum diuinum.
Deinde clara deitas
illuminauit litteras
quae morientis etiam
solari possunt animam.
O sanctum cor, idoneum
scribere Uitam hominum!
Praesentes quoque animi
monstrent exemplum Domini.
Sic errantes inscitia
ducantur Marci doctrina,
ut posthac sint ab angelis
in uitae scripta tabulis.
Laudate mundi Dominum,
qui nobis misit Filium,
et docuit per Spiritum
euangelistam pristinum.
