 XXIII |
XXV  |
...Intratur per me statio suprema dolorum,
Intratur per me series sine fine dolendi,
Intratur per me populus damnatus in aevum.
Iustitia motus me summus condidit auctor,
Perfecere simul: divina operata Potestas,
Maxima lux Sophiae, primi spiramen Amoris.
Exstiterat res nulla prior, nisi si fuit ulla
Semper, et ut sum nunc durando saecula vincam:
Quicumque ingrederis, tibi ne spes amplius esto“.
Haec verba aspexi furvo signata colore
In rigidae supero, tituli instar, limine portae;
Inde ego: „Durus inest, doctor, puto, sensus in illis“.
<Inferno, III 1—12>