Migne Patrologia Latina Tomus 137
Rhythmi in honorem Theoderici
Rhythmi in honorem Theoderici (Sigebertus), J. P. Migne 137.0363A
Rhythmi in honorem Theoderici
137.0361D| Deodericus sanguine, moribus,
Claris profecto clarior omnibus,
A rege clarebat secundus,
Vix alicui sub eo secundus,
Hic consobrinus Caesaris inclyti
Haerebat illi militiae et domi,
Regni ferens partes secundas,
Caesaris alleviansque curas.
137.0362D| Regni per illum cuncta negotia,
Et jura stabant ecclesiastica.
Miles, senatus, regis aula
Suspiciebat ad ejus ora.
Rex Otto clavo dum moderaminis
Res fluctuantes Italiae nimis
Per jura tranquillare pacis
Tentat ubique, malis remotis,
137.0363A| Et hic erat, hic multus et intimus,
Ad os, ad aures, cor quoque Caesaris.
Per hunc placebat qui placebat:
Hoc sine vix aliquis valebat.
Hac praeminentem magnificentia
Omnes honorant munificentia,
Facti per illum gratiosi,
Ut sua vota queant mereri.
Qui non avare sed cupidus pie
Hoc exigebat quod foret utile,
137.0364A| Notaque culpae quod careret
Quod sibi spem veniae pararet.
Nam vestra sancti corpora martyres,
Quaerebat hujus sancta viri fides,
Translata qualicunque cura,
Ut reverenter haberet illa.
Gaudebat hoc urbs Metis episcopo,
Fidens in ejus praesidio duplo,
Pollens per ejus sanctitatem
Tutaque per generositatem.