Migne Patrologia Latina Tomus 116
Poemata
Poemata (Ebbo Rhemensis), J. P. Migne 116.0022D
I. Inscriptio quam Ebbo praefixit ecclesiae Sancti Petri.
Ludovicus Caesar factus coronante Stephano
116.0022D| Hac in sede papa magno: tunc et Ebo pontifex
Fundamenta renovavit cuncta loci istius,
Urbis jura sibi subdens praesul auxit omnia.
II. Epitaphium matris Ebbonis.
Mea forte si requiris temporis initia,
Scito Caroli fuisse regni sub primordia:
Ludovico triumphante dies fluxit ultima.
Rhenus primos lavit mores, alveus Germanicus;
Hunc nutrivit et secundos Liger, amnis Gallicus;
Sequana fovit jumentam, sordes sordens Vidula.
Praesul erat urbis hujus mihi natus unicus:
Idem me conduxit sibi sociam laboribus,
116.0024A| Proximum ruinae locum renovandi cupidus.
Decem ferme nuper annos simul hic peregimus
Ebo rector, ego mater Himiltridis humilis,
Fundamenta sedis sanctae pariter ereximus,
Deo debitum laborem dum gerebat pontifex:
Fessa quietem quaerebam. Ecce sub hoc tumulo
Quinto me September mensis Kalendarum rapuit.
O viator, esto cautus semper ab excessibus.
Fateor non profuisse ut debui, dum potui,
Veniam dic pro vindicta da Deus peccantibus.