Pagina:Vico, Giambattista – Il diritto universale, Vol. II, 1936 – BEIC 1961223.djvu/131

389

CAPUT XV

EX VULGARIUM LINGUARUM ET CHARACTERUM
ORIGINE CONSECTANEA

I

[1] Si igitur mathesis scriptura prior, diu priores legibus fuisse mores.

II

[2] Et mores fuisse exempla.

III

[3] Et exempla primas leges fuisse.

IV

[4] Et quidem fuisse leges in singulos verbo dictatas, ut a duumviris, apud Livium, lex in Horatium perduellionis.

V

[5] Et carmina fuisse leges, quae, scriptura nondum inventa, nullo consilio, sed natura ipsa, cantu dictatae, facilius memorine mandabantur.

VI

[6] Unde idem verbum νόμος et «legem» et «cantum» significat.

VII

[7] Et sic poetas fuisse primos legislatores.

VIII

[8] Sic verum quod leges a moribus scriptura distinguat.