ius gentium illustremus, quod iurisconsultus definit[1] quo
«gentes humanae (non ferinae, non barbarae, quae ideo ferinae
ac barbarae, quia obtusis sunt ingeniis) utuntur».
[6] Ingenii virtus est invenire, ut est rationis perficere.
[7] Nemo est qui negaverit esse caeli temperaturas quae gentes alias aliis ingeniosiores alant, ut sub crasso frigidoque aere obtusi, sub magis aethereo et aestuoso acuti ingenii nascantur homines.
[8] «Necessitate ingenia acui», tritum apud omnes proverbium.
[9] Quo minus ratione homines, eo magis sensibus pollent: unde brutis acerrimi sensus sunt a natura attributi, et foeminae quam viri sensilia magis advertunt.
[io] Et quorum sensus acres, eorum vividissima est phantasia: quare eorum quae vidimus, quam quae audivimus, praesentiores imagines fingimus.
- ↑ Dig., I, (De iustitia et iure), 1, § ult. [4].
