67
Bellum punicum primum. – Messana urbs a Hierone, Syracusanorum rege, obsessa. – Mamertini auxilium a Romanis petunt. – Hiero victus foedus init cum populo romano. – Complura Carthaginiensium oppida in Sicilia capta. – In his Agrigentum.
An. ante Chr. n. 362.An. ab urb. cond. 486.
Subacta Italia, Romani bellum contra Carthaginienses gesserunt. Quum enim uterque populus orbis terrarum imperium pariter affectaret, omnino iam fieri non poterat, quin opportunitatem nactus, vires suas adversus aemulam gentem expromeret. Neque occasio defuit. Ea tempestate Siciliam, qua[1] punicae ditioni subiecta non erat, maiori ex parte possidebat Hiero, huiusce nominis secundus, rex Syracusanorum; reliqua Mamertinorum armis tenebantur. Hi sua defendere non contenti, punicos et syracusanos fines incursabant; complura Siciliae oppida, quo vastationem agrorum et alia incommoda redimerent, vectigal pendere cogebant; postremo, capta Messana, Hieronis arma in se concitaverant. Quum autem re male gesta adversus Hieronem, rebus suis iam diffiderent, diversi[2], pars auxilium a Romanis petierunt, alii punicum praesidium in Messanam urbem admisere.
Romani veriti, ne Mamertini, ab ipsis relicti,
