essem te, mi amice, quaeritando. 32
tanto ten fastu negas, amice? 14
die nobis ubi sis futurus, ede 15
audacter, committe, crede luci.
num te lacteolae tenent puellae?
si linguam clauso tenes in ore,
fructus proicies amoris omnes:
verbosa gaudet Venus loquella. 20
vel si vis, licet obseres palatum,
dum vestri sim particeps amoris.
O rem ridiculam, Cato, et iocosam
dignamque auribus et tuo cachinno.
ride, quidquid amas, Cato, Catullum:
res est ridicula et nimis iocosa.
* * * *
Pulcre convenit improbis cinaedis,
Mamurrae pathicoque Caesarique.
nec mirum: maculae pares utrisque,
urbana altera et illa Formiana,
impressae resident nec eluentur: 5
morbosi pariter, gemelli utrique,
uno in lectulo erudituli ambo,
rivales socii puellularum.
pulcre convenit improbis cinaedis. 10
Caeli, Lesbia nostra, Lesbia illa,
illa Lesbia, quam Catullus unam
plus quam se atque suos amavit omnes,
nunc in quadriviis et angiportis
magnanimi Remi nepotes. 5
