Haec pagina emendata est
70
éthique
|
PROPOSITIO XX
Dei existentia ejusque essentia unum et idem sunt.
DEMONSTRATIO
Deus (per anteced. Prop.) ejusque omnia attributa sunt æterna, hoc est (per Defin. 8), unumquodque ejus attributorum existentiam exprimit. Eadem ergo Dei attributa, quæ (per Defin. 4) Dei æternam essentiam explicant, ejus simul æternam existentiam explicant, hoc est, illud ipsum, quod essentiam Dei constituit, constituit simul ipsius existentiam, adeoque hæc et ipsius essentia unum et idem sunt. Q. E. D.
COROLLARIUM I
Hinc sequitur : I° Dei existentiam, sicut ejus essentiam, æternam esse veritatem. |
