Haec pagina emendata est
61
De Dieu
|
PROPOSITIO XVII
Deus ex solis suæ naturæ legibus, et a nemine coactus agit.
DEMONSTRATIO
Ex sola divinæ naturæ necessitate, vel (quod idem est) ex solis ejusdem naturæ legibus, infinita absolute sequi, modo Prop. 16 ostendimus ; et Prop. 15 demonstravimus, nihil sine Deo esse nec concipi posse, sed omnia in Deo esse ; quare nihil extra ipsum esse potest, a quo ad agendum determinetur vel cogatur, atque adeo Deus ex solis suæ naturæ legibus et a nemine coactus agit. Q. E. D.
COROLLARIUM I
Hinc sequitur : I° nullam dari causam, quae Deum extrinsece vel intrinsece, præter ipsius naturæ perfectionem, incitet ad agendum. |
