Haec pagina emendata est
637
de la liberté de l’homme
|
DEMONSTRATIO
Mens nihil sub æternitatis specie concipit, nisi quatenus sui Corporis essentiam sub æternitatis specie concipit (per Prop. 29 hujus), hoc est (per Prop. 21 et 23 hujus), nisi quatenus æterna est ; adeoque (per Prop. præced.), quatenus æterna est, Dei habet cognitionem ; quæ quidem cognitio est necessario adæquata (per Prop. 46 p. II) ; ac proinde Mens, quatenus æterna est, ad illa omnia cognoscendum est apta, quæ ex data hac Dei cognitione consequi possunt (per Prop. 40 p. II), hoc est ad res tertio cognitionis genere cognoscendum (vide hujus defin. in 2 Schol. Prop. 40 p. II), cujus propterea Mens (per Defin. 1 p. III), quatenus æterna est, causa est adæquata seu formalis. Q. E. D. |
