|
virtus eo major est, quo Mens hoc cognitionis genere magis res cognoscit (per Prop. 24 hujus) ; adeoque qui res hoc cognitionis genere cognoscit, is ad summam humanam perfectionem transit, et consequenter (per 2 Affect. Defin.) summa Lætitia afficitur, idque (per Prop. 43 p. II) concomitante idea sui suæque virtutis ; ac proinde (per 25 Affect. Defin.) ex hoc cognitionis genere summa quæ dari potest, oritur acquiescentia. Q. E. D.
PROPOSITIO XXVIII
Conatus seu Cupiditas cognoscendi res tertio cognitionis genere oriri non potest ex primo, at quidem ex secundo cognitionis genere.
DEMONSTRATIO
Hæc propositio per se patet. Nam quicquid clare et distincte intelli-
| 
