DEMONSTRATIO
In Deo datur necessario conceptus seu idea, quæ Corporis humani essentiam exprimit (per Prop. præced.), quæ propterea aliquid necessario est, quod ad essentiam Mentis humanæ pertinet (per Prop. 13 p. II). Sed Menti humanæ nullam durationem, quæ tempore definiri potest, tribuimus, nisi quatenus Corporis actualem existentiam, quæ per durationem explicatur et tempore definiri potest, exprimit ; hoc est (per Coroll. Prop. 8 p. II), ipsi durationem non tribuimus, nisi durante Corpore. Cum tamen aliquid nihilominus sit id, quod æterna quadam necessitate per ipsam Dei essentiam concipitur (per Prop. præced.), erit necessario hoc aliquid, quod ad Mentis essentiam pertinet, æternum. Q. E. D.
SCHOLIUM
Est, uti diximus, hæc idea quæ Corporis essentiam sub specie æter- |
Pagina:Spinoza - Éthique, trad. Appuhn, 1913.djvu/631
Haec pagina emendata est
627
de la liberté de l’homme