Haec pagina emendata est
619
de la liberté de l’homme
|
PROPOSITIO XIX
Qui Deum amat, conari non potest, ut Deus ipsum contra amet.
DEMONSTRATIO
Si homo id conaretur, cuperet ergo (per Coroll. Prop. 17 hujus), ut Deus, quem amat, non esset Deus, et consequenter (per Prop. 19 p. III) contristari cuperet, quod (per Prop. 28 p. III) est absurdum. Ergo, qui Deum amat etc. Q. E. D.
PROPOSITIO XX
Hic erga Deum Amor, neque Invidiæ neque Zelotypiæ affectu inquinari potest ; sed eo magis fovetur, quo plures homines eodem Amoris vinculo cum Deo junctos imaginamur. |
