Pagina:Spinoza - Éthique, trad. Appuhn, 1913.djvu/552

Haec pagina emendata est

548

éthique

Sic judex, qui non Odio aut Ira, etc., sed solo Amore salutis publicæ reum mortis damnat, sola Ratione ducitur.

PROPOSITIO LXIV

Cognitio mali cognitio est inadæquata.

DEMONSTRATIO

Cognitio mali (per Prop. 8 hujus) est ipsa Tristitia, quatenus ejusdem sumus conscii. Tristitia autem est transitio ad minorem perfectionem (per 3 Affect. Defin.), quæ propterea per ipsam hominis essentiam intelligi nequit (per Prop. 6 et 7 p. III) ; ac proinde (per Defin. 2 p. III) passio est, quæ (per Prop. 3 p. III) ab ideis inadæquatis pendet ; et consequenter (per Prop. 29 p. II) ejus cognitio, nempe mali cognitio, est inadæquata. Q. E. D.