Pagina:Spinoza - Éthique, trad. Appuhn, 1913.djvu/549

545

de la servitude de l’homme

facimus, ut determinare possimus, quid nobis in præsenti bonum aut malum sit, sit potius imaginarium quam reale. Atque adeo mirum non est, si Cupiditas, quæ ex boni et mali cognitione, quatenus hæc futurum prospicit, oritur, facilius rerum Cupiditate, quæ in præsentia suaves sunt, coerceri potest, de quo vide Propositionem 16 hujus Partis.

PROPOSITIO LXIII

Qui Metu ducitur, et bonum, ut malum vitet, agit, is Ratione non ducitur.

DEMONSTRATIO

Omnes affectus, qui ad Mentem, quatenus agit, hoc est (per Prop. 3 p. III) qui ad Rationem referuntur, nulli alii sunt, quam affectus