Haec pagina emendata est
433
de la servitude de l’homme
PROPOSITIO II
Nos eatenus patimur, quatenus Naturæ sumus pars, quæ per se absque aliis non potest concipi.
DEMONSTRATIO
Nos tum pati dicimur, cum aliquid in nobis oritur, cujus non nisi partialis sumus causa (per Defin. 2 p. III) hoc est (per Defin. 1 p. III) aliquid, quod ex solis legibus nostræ naturæ deduci nequit. Patimur igitur, quatenus Naturæ sumus pars, quæ per se absque aliis nequit concipi. Q. E. D.
PROPOSITIO III
Vis, qua homo in existendo perseverat, limitata est, et a potentia causarum externarum infinite superatur. |