Pagina:Spinoza - Éthique, trad. Appuhn, 1913.djvu/204

200

éthique

propterea, quod veram ejus distantiam ignoramus, sed propterea, quod affectio nostri Corporis essentiam solis involvit, quatenus ipsum Corpus ab eodem afficitur.

PROPOSITIO XXXVI

Ideæ inadæquatae et confusæ eadem necessitate consequuntur, ac adæquatæ sive claræ ac distinctæ ideæ.

DEMONSTRATIO

Ideæ omnes in Deo sunt (per Prop. 15 p. I) ; et, quatenus ad Deum referuntur, sunt veræ (per Prop. 32 hujus) et (per Coroll. Prop. 7 hujus) adæquatæ ; adeoque nullæ inadæquatæ nec confusæ sunt, nisi quatenus ad singularem alicujus Mentem referuntur (qua de re vide Prop. 24