rex in silvis: quae nemora muris cinguntur turresque habent venantium receptacula. Quatuor continuis aestatibus intactum saltum rex cum toto exercitu ingressus feras agitari iussit, leonem necnon eximia magnitudine uno[1] ictu ipse occidit. Tum quatuor milibus ferarum deiectis in eodem saltu epulatus est. Inde Maracanda[2] regressus epulas in honorem Cliti, quem unice diligebat, exhibuit. Quo in convivio rex cum multo incaluisset mero, immodicus aestimator sui[3] celebrare ea quae gesserat, coepit. Tum Clitus Philippum laudibus efferre, eundem Alexandro anteponere, et ipse per vinolentiam observantiae erga regem oblitus. Is ira infensus, cuius[4] alioquin impotens erat, in Clitum impetum fecit; tum cohibentibus qui epulis aderant occasionem opperiebatur. Brevi spatio interiecto Clitum ex aedibus egredientem hastili confodit.
236.—Inde excussa ebrietate, sero demum[5] tanti sceleris poenitere regem, qui ubi prima luce ante aedes cadaver amici afferri iussit, scissa veste, ore unguibus laniato, diu effusis lacrimis gemebat. Vivendum esse[6] sibi in solitudine more ferae,[7] terrentis alias, alias timentis. Illam nutrici suae gratiam rettulisse, cuius duo fili pro sua gloria in acie dimicantes occidissent; illum fratrem, unicum orbitatis solatium, a se inter epulas occisum. Quo se converti[8] miseram posse? sese interfecto amico ita in patriam reversurum ut ne dextram quidera nutrici sine memoria calamitatis offerre posset. Inde triduum iacuit inclusus. Quem ut armigeri ad moriendum obstinatum[9] esse cognoverunt, universi in aedes irrumpunt, diuque precibus reluctatum aegre vicerunt ut cibum caperet. Quoque[10] minus caedis puderet, iure interfectum decernunt, sepultura quoque prohibituri[11] ni rex humari iussisset.
- ↑ uno—emphatic; ‘a single.‘
- ↑ Maracanda, (-orum)—(Samarkand), the capital of Sogdiana.
- ↑ aestimator sui—‘praising himself;’ concrete Latin for abstract English so constantly, auctor fuit= he proposed.
- ↑ cuius—erat—‘which moreover he could never restrain.‘
- ↑ sero demum—‘when too late.’
- ↑ vivendum esse—13, note.
- ↑ more ferae—‘like a wild beast.‘
- ↑ quo se converti—26, note.
- ↑ obstinatum—‘determined.’
- ↑ quoque—6, note.
- ↑ probibituri—‘ready to deny him.‘