Pagina:Second Latin reading book With Key.pdf/105

PART III.

ALEXANDER THE GREAT.

Alexander confirms his Authority.

192.—Mortuo Philippo cum nonnullas e civitatibus libertati studere^[1] allatum esset, Alexander copiis in Peloponnesum ductis potestatis suae ubi specimen dedit, concilio Graecorum convocato in locum patris imperator designatus est. Inde devictis Thracibus, flumine Istro^[2] traiecto Getas Illyriosque^[3] suae ditionis fecit. Eo absente Thebani, cum falsus percrebuisset rumor victo a barbaris exercitu interiisse regem, inita coniuratione praesidium Macedonum quod arcem obtinebat obsederunt. Quam ad seditionem reprimendam, certior etiam factus et alias civitates^[4] exemplo Thebanorum sollicitatas novandis rebus studere, Alexander mira celeritate reversus, Thebas contendit praesidiumque obsidione liberavit. Inde versa in Thebanos ira, urbem solo aequavit, homines sub corona^[5] vendidit. Qua clade exterriti Graeci in officium redierunt, neque quisquam in posterum seditionem inire ausus est.

The Conquest of Asia Minor.

193.—Pacata Graecia Alexander traiecto Hellesponto^[6] copias in Asiam duxit. Persae autem veriti ut barbari Macedonibus

1. libertati studere—‘were anxious to assert their liberty.’
2. Istro—Ister, the Danube.
3. Getas Illyriosque—barbarous tribes much resembling the Thracians.
4. et alias civitates—‘that other states also.’
5. sub corona—187, note.
6. Hellesponto—the Dardanelles.