Haec pagina emendata est
Death of Philippus.
191.—Quo proelio cum debellatum esset,[1] neque quisquam diutius resistere auderet, Philippo omnia, quae vellet,[2] facere licebat. Concilio convocato bellum Persis indictum; Philippus exercitus imperator dictus domum reversus est. Inde totus in curam commeatuum exercitusque parandi conversus[3] nullam rem praetermittebat quin voti compos fieret,[4] gnarus quantas opes reges Persarum coacervassent, quibus si potitus esset, omnibus regibus in orbe terrarum praestaturum sese sperabat. Neque tamen id facere Philippo contigit, qui dum filiae nuptias celebrat a sicario pugione confossus occidit. Ei Alexander filius viginti annos natus successit.