X
SVENONIS AGGONIS F.
LEX CASTRENSIS SIVE CVRIE.
PROCEMIVM.
Cum multa nobis indagatione curiosa 〈reperta〉 reliquerit
antiquitas posteris, curialis societatis et confederationis studuit
etiam utilitati prouidere, ne uaga libertate potita effrenis
contubernii iuuentus militaris mutuis se impune lacessire potuissent
contumeliis. Vt 〈enim〉 improborum refrenaret audaciam,
sanciuit legem promulgandam, quam suo Witherlogh nuncupauit
idiomate; quam nos Latino sermone, licet uocabulo minus
appropriato, legem castrensem et militarem uel legem curie
possumus appellare. Quam quidem temporis uetustate prossus
antiquasset obliuio, utpote raris admodum tune temporis
existentibus, qui priscorum, licet illustrium, gesta memorie
commendarent, nisi totius regni Dacie Absalon metropolitanus
illustris consueta curiositate circumspectaque ae prouida
deliberatione cum nutritio suo, rege uidelicet Canuto, primi
Valdemari filio, in matriculam conscripsisset. Nam quod
uetustatis antiquitate obsoletum esse plerumque decernitur, id
ipsum scripture beneficio reparatur. Cum itaque nostro
〈uulgari〉 succincta breuitate conscriptam reperissem, non
tantum scientie uel ingenii aggressus confidentia laborem,
uerecundans diurne, ne etiam maioris doctrine † scientia preditis
presumptuosa quadam arrogantia uidear fecisse preiudicium,
uerum potius ingenii capacitate uernantibus iuuenibus et
pleraeque adnotationes, quas hic in commentario critico posui, tantum ad textum X pertinent; eae, quae ad S spectant, separatim ponentur. Verba litteris inclinatis impressa et 〈 〉 inclusa ab editore addita sunt; ubi ( ) includuntur, in codice lacuna signata fuit; in singulis vocabulis litterae mutatae vel additae saepe, sed non ubique, eadem inclinalione signantur. — 2. posteritatis societatis. 3—4. patuit effretus contubertui. 4. lascire. 5. ac Daciam. 11. memorie gesta.
